MTR Challenge - 港鐵挑戰賽

原載於:MTR Service Update Page

tubechallenge-guinness

 

今個新年,我地會同大家直擊一項於港鐵網絡的創舉!

地鐵係每一個先進城市的交通命脈,我地港鐵嘅師父 - 年屆150歲,服務250個車站嘅 London Tube,係全球歷史最悠久嘅地下鐵路。而一直以來,都有人想挑戰喺最短時間內,坐晒全數250個車站,稱為 Tube Challenge。 第一屆 Tube Challenge 喺1959年舉行,規則很簡單,只要不使用私人交通工具,例如單車、私家車、滑板,而喺地鐵服務時間內,去到最多嘅車站就算係勝出。至今共有16次挑戰,能打入健力氏世界紀錄;而12月30日(星期一),就係我地香港繼倫敦、紐約後,第3個城市將呢項「競賽」申請列入健力氏紀錄大全。

 

賽事嚟到香港,當然要改名做「MTR Challenge 港鐵挑戰賽」啦,參賽者會係香港電台第3台的女DJ Chantel Shafie 同佢嘅男 DJ 拍檔 Tim Littlechild,係該台與《南華早報》合辦之聖誕籌款節目-Operation Santa Claus(聖誕老人行動)的一部分,善款將令青少年、長者、社區、醫療等服務受惠。

至於星期一早上,我地會留番D空檔,發佈繁忙時間有關的故障消息(有的話 :P  ),之後就會同大家跟進 MTR Challenge 去到邊、玩成點! 要熱下身的話,可睇番 2003 年英國 ITV 採訪一個電腦技術員,點樣同佢個 fd 由開車到收車,挑戰坐晒倫敦所有地鐵站的紀錄 ↓