驅風姊弟戀

(原載於:史丹利隨筆

蘋果日報截圖

 

返到公司,同總監吹水。

「喂!史丹利有無睇新聞,原來Bosco同楊崢一起左啊」嗯!有略略看過新聞標題。

「係囉!咪當驅驅風囉!」

坦言,我完全聽不懂「驅風」的意思。正常來講,上司老闆講笑話,就算唔識唔明唔好笑,也應該應酬地笑笑。今次例外,雖然我不明「驅風」的意思,但我個人天生低俗下流無深度又無厘頭,估到總

監是在說一些抵死賤格的話,我由衷地笑了出來。

回到家,老豆好興奮咁將同一單八卦講比我聽。那種興奮,就好似發現鑽石山有鑽石,舊金山有舊金咁開心。

「仔啊!Bosco同左梁崢一起啊,差九年架!」得啦!朕一早知啦!

「咪係囉,Bosco驅風嚕。」

又驅風。到底上一輩對驅風是不是有種情意結?驅風是不是和那個年代常用的驅風活胳藥油有關?說超驅風,我想起薑,在中醫角度,薑有驅風驅寒的功效(好似係),有機會向傑醫師請教一下。另加俗語有云:「薑越老越辣」。兩者混合聯想,「驅風」的意思應該係諷刺女生年紀太大。

說到這對娛樂圈姊弟戀,家父家母談得興高采烈,有如滔滔江水連綿不斷,亦有如黃河缺堤、一發不可收拾,我當然笑而不語。其實講來講去,也是為楊崢窮擔心,覺得楊崢雲英來嫁,應找好人家嫁出去;而不是找Bosco這類花花公子浪費時間,靚仔無本心。先講一講「靚仔無本心」這個偽命題,其實何止靚仔無靚心,醜男如我也不見得是正人君子。既然相貌和本心無關係時,那當然是個靚仔拍拖有著數啦,就算分手都無咁痛嘛。而且嘛,主角也未急,我們這些花生友急個屁。

至於說到男女年齡差距,到底9年是一個什麼概念?我唱緊「同學愛新鮮、戀愛大過天」的年代是講緊9年免費教育。9年就是小學雞和中學雞的差距。常言道:「18年後一條好漢」,那麼9年就是半條好漢。就咁睇,其實9年都唔係差好遠;而且時間剛好,40歲狼虎之年……說回正題,在這個年代,姊弟戀真的不算什麼。遠的不說,風水老豆豬聰聰那段可歌可泣的愛情故事也是姊弟戀,往事只能回味,在監獄慢慢回味吧。當然,在這個鼓勵年輕一輩住進公屋享福利的年代,美男能夠讓富婆垂延美色,也許是好事,各取所需嘛。娛樂圈姊弟戀成功的也如數家珍,香港的楊千嬅丁子高、台灣的陶子李李仁。現在女權抬頭,有自己事業、能夠養活自己、活得開心已經足夠,釣不釣金龜嫁得與否也不那麼重要,詳細還是由女權主義者辯解。

楊崢我細細個就聽過呢個名,但不是我熟悉的藝人,名字有「崢」的藝人也多,以前常常和梁崢搞亂。放心,我當然知道誰是俞崢。Google查了兩查,噢!原來是妳。徐娘半老,風韻猶存,索啊!Bosco兄,下次可唔可以提攜小弟?