曾主席都係傲嬌黨員?——「我先唔想欽點呀~~!」

 

當初到依家,咪有堆人好追捧呀曾生既,一時以為佢會同另一位曾生孖住上,一時又俾佢D字謎呀英文中文玩到陀陀擰,甚至曾經一度爆出『謝絕欽點』既所謂『天機』,而令到一班強國開明建制派(及部份非建制派)井噴,以為今次真係可以選委自己從心所欲,選到自己想選既特首。只要大家跟民意去投票,咪達已發囉!

點知,搞左咁多個月,事已至此,自己又無得選之餘,原來曾生既『謝絕欽點』,係define squarely as「我係謝絕欽點既,不過,其實我都係可以唔任命任何一個人囉。至於其實選委會又好,你七百萬人經唔經遴選委員會都好,其實到最後,都係無關係既,影響唔到結果。我唔欽點,但亦唔任命,直至我覺得真係心滿意足果個先say yes 囉。」下,咁究竟同欽點有乜分別呀?嗯,出身數學既精英,一邊自我懺悔點解會變左建制頭頭既同時,會同時理性指出:

邏輯上都係有分別既。不過你地D凡人,點會知。或者再轉換一下個語境呀。其實咪即係:

「我先唔想欽點呀~~」由王莽篡漢,以至到呀趙匡胤被黃袍加身,以至到袁世凱既假意推辭,到依家X千年既今日,又有我先唔想選XX同我先唔想欽點,成件事係咪好開心?壯哉傲嬌黨!傲嬌黨萬歲!唔覺意寫多左。坦白,係阿媽係女人既野唔想多講。詞評王菲我仲有癮D,係咁~~~~下次直接派市委書記落黎算罷啦~~~~~~~

 

利申:無票。唔鍾意碰。鍾意門前清。

 

【專題:2017特首選戰】