解構林鄭月娥特首選戰用中文字體

 

利申1:我唔係薯粉
利申2:已經評論過薯片用字體
利申3:胡官嘅星期六先出好似係

 

林鄭嘅選戰文宣,可謂乏善可陳甚至係失敗。就由佢個WeConnect Logo 嘅字體開始講起

 

 

林鄭辦喺黃世澤搵到佢個英文WeConnect係同Cloud Remote 自慰器個App同名果陣,回應話成個Logo同口號嘅設計係由著名設計師劉小康同一班年青人幫佢搞出嚟。如果係真嘅話,咁林鄭真係水魚中嘅水魚

個「同行」粒字,其實只係搵華康儷粗黑加好少後製就完。根據華康網站,佢個儷黑系列其實係咁嘅

康儷黑系列筆畫、架構簡潔明快,有著現代黑體的俐落,重心平穩,起筆、收尾無多餘裝飾,清楚明瞭呈現出中性的文字訊息。儷細黑(W3)適用於內文;儷中黑(W5)則可與明體相搭配,使用於大版面的廣告內文字。儷粗黑(W7)延續儷細中黑的風格,主要可用在標題,雜誌、書刊皆可,與其他明、楷、圓基本字型搭配組合,實用度相當高。

薯片Campaign揀華康華綜體,其實係好反映到薯片個人嘅哲學。但至於你問我,字體反映到林鄭啲咩嘅話,我咁除咗係一條魚之外,就諗極都冇喇

「同行」果兩雙字,其實只係將華康儷粗黑打扁同埋將所有角位磨圓佢,就已成完成基本程序。然後,就將「同」字中嘅口字變番正方形。至於個「行」字,將部首果兩撇變成平行四邊形,搞到有啲當代風咁;然後執去比例,就已經做晒絕大部份嘅改裝程序。最後,班人就係將字體個收筆位整個磨圓邊長方形,用嚟遮住個勾位就搞掂

做Desinger做到咁已經好嘢,咁嘅行貨都敢交出嚟;但林鄭竟然連行貨都可以上釣兼中伏,香港俾佢run嘅話應該未來5年都係真係伏中之伏,最少成個政府應該繼續冇咩美學可言

林門鄭氏嘅選戰,我夠膽講係冇統一嘅House Style。佢喺平面印刷、街板同Social Media都係用唔同嘅字體同配色。我極度懷疑佢條Team其實係冇Comm Manager,而林鄭本人對呢啲視覺嘢Don’t Give a Dime。如果唔係,根本係唔會搞到災難級數

 

 

一條掛街Banner,佢可以有三種中文字體,嫌唔夠亂嗎?配色隻色本身係好,但用法就簡直係美感災難。Gradient再加Transparency,然後再加一幅完全同主題毫不相關嘅相,想點呀?

 

 

林鄭堆Facebook Post用字方面仲衰。次次都唔同字體唔係問題,但係兩隻字體個look and feel完全唔同,又或者個字體本身唔係用嚟表達果個message嘅語境先係大問題

蒙納(Monotype)係一間字體大企業,而佢創造出嚟嘅香港中文黑體,好多政府部門同大企業都有用。之但係係你用版黑體表達愛意,仲要唔用番係果隻粉紅色,表現出嚟嘅客觀就係林鄭老公要「被愛」林鄭。你用書寫字體,再配粉紅底托白字,我都可能冇咁嬲

另外一張相,用盈富體咪夠囉,用埋綜藝體其實係多餘。兩隻字兩款Fontweight,顯出峴嚟個感覺就梗係Fontweight冇咁重嘅綜藝體輕啦。誰不知,你竟然係喺解釋政綱果陣用一個輕過口號式Title嘅Fontweight,咁個觀感咪變咗原來係得個口號先係實在,其他內容都係好虛囉

以上一堆完全冇協調感嘅Creative,完全睇得出林門鄭氏根本係冇一個統一嘅設計式樣。而Logo、政綱、街板同Social media嘅字體同用色都係各自為政。連小小門面功夫都協調唔到,之後你真係做到特首我又點信佢會擺平到各個政府山頭?

講起設計同用色用襯色,林鄭條Team可謂Who Cares 到一絕。呢期用Flat Design係走唔甩,但佢條Team竟然可以逆其道而行,用兩隻色做Gradient,打「光」字要搵另外一隻對比色又或者陰影托底,做到「攞你命三千」設計境界。我有一刻,真係以為我自己睇緊上個世紀90年代嘅選舉文宣

林鄭選舉文宣,第一階段係由以下呢4隻色而成。我第一眼望落去,以為係PowerPoint嘅配色。皆因用3隻色做Flat UI都好考功夫嫁喇,而家仲要用PowerPoint配色咁款做Design,真係神仙難救

 


 

隻綠色有少少偏離Flat UI色都算,之但係如果你識處理,其實係唔會核突得去邊。但林鄭條Team真係等同玩佢老細,一時一樣

 

 

及後,佢係街版加多一隻粉紅色入主設計色調仲要Designer去夾硬砌稿,完全係Designer嘅災難。

查實粉紅加粉藍,係好多本身用淨紅加淨藍嘅政黨用嚟做Light自己個image會做嘅事。遠至美國民主黨,近至香港民建聯都係咁做。

 

 

但就係因為林鄭條Team太過貪心,又用Logo又用Tagline又要show相又要純色又要Gradient,結果就出晒事。

不過最最最攞命嘅,莫過於佢嘅政綱封面。將港島嘅建築同個太平山Outline 配Gradient色再加倒影,然後夾硬加點同線喺堆大廈上面,美其名話係Connect咁話。大佬,We Connect唔係Connect 人,而係Connect番同一幢大廈嘅支柱。完全表現唔到條team又或者林鄭真係想連結每一個香港人,簡直失敗

 

 

既然啲點同線喺個Visual 中可有可無,所以改成好似呢幅圖咁,其實都唔會好覺

 

 

唔該,香港人未來5年都要俾你同你班人五官強姦嫁喇,好唔好唔好喺選果陣都視覺強姦我哋啦,好嗎?

 

延伸閱讀:

解構曾俊華特首選戰用中文字體