【有學者認為】莊曾支持爆燈的原因

曾俊華 FB 圖

 

心理學既朋友認為:呢種係一個斯德哥爾摩候群既體現,甚至可以叫做香港候群症。因為JT如果都當成689政府一部分,佢就係銀行綁匪無疑。但因為佢突然對飽經虐待既香港人好少少,大家即刻產生錯覺,願意支持,甚至幫佢助選。錯不在JT,而係錯在香港人已經太絕望,失去意志。

歷史學既朋友認為:從中國幾千年歷史睇黎,大部分人都係願意做順民多過反抗。係進入絕望既真空年代,當然渴望明君出現,揮慧劍斬佞臣。呢個係奴性並且排斥民主既表現。亦都變相質疑民主制度係咪真係人人都想要。教育制度都係科舉一般,明顯有根本缺憾。

讀數學既朋友認為:民主300+一直認為自己可以控制game 既結果,所以毫不猶豫地想捧JT黎想造王。但問題係當CL參選,呢個就已經唔係一個game,反而係一種板上釘釘既結果。建制派選委亦毫無博弈心態。於是演變依家局住玩既局面。

讀金融既朋友認為:係聯繫匯率自從1983年一直幫香港維持經濟平穩,渡過幾次既金融風暴。從來財政司都入屋過政務司/布政司,自曾蔭權之後,JT一直就係渣鎖匙人,佢既HEA造雖然令一部份人民不聊生,但係維護金融穩定同埋匯率穩定亦係負碌底下既結果。所以大家都對佢印象較佳。

讀統計學既朋友認為:太多民意調查既結果雖然誤差大,而且大多數抽樣亦都唔科學,無人走去認真研究。但認為JT長期民意調查高企,竟然變成一種positive feedback,進一步拉到遊離既群眾,推高支持率。佢指出,民意調查其實對於管治水平毫無參考作用。

讀生命科學既朋友認為:JT經過左心臟病搭橋手術而大難不死,顯示佢係survival of the fittest。如果呢個世界都係物競天擇的話,佢有堅強既身體可以捱過呢一關,身體強壯係一個部落領袖需要既必然條件。加埋佢識武功同埋打劍,溫和中帶侵略性,有異曲同工之妙。

經濟學既朋友認為:普遍都係講緊JT係second best choice 即係所謂既lesser evil。原因係假設因為林鄭成為689既化身。但係對於邊個做CE會係social optimum,其實係無結論。不過大多數人都仍然認為依家咁做,係rational behavior。她認為,以上既種種假設都係極其求其而不嚴謹,影響最後outcome。

讀政治既朋友認為:林鄭政綱明顯比JT詳細而且有內容,但係港人不屑一顧,足以證明香港人其實係唔需要睇政綱而去揀領袖。呢個亦唔係香港所獨有,而係世界各地都發生緊。一個有魅力既領袖,例如D. Trump,一樣可以滿口廢UP上到台。post-truth politics 既另一個明證。

有研究風水既朋友認為:鬍鬚方字面,鼻大肉厚,眼神清晰堅定,身型寬廣札實,係肚裡可撐船,古代將相之才,亦都係性格光明磊落之人,不及CL眼神微細依家閃爍,身型細小,似係滿腹算計同密圈。加上香港人大多迷信,自然係不問情由既情況下支持JT。不過,佢警告,不論邊個上台,2018年香港都有一大劫。(!!!)

有研究燒山既朋友認為:燒山預言十次有十次都錯。佢依家一再聲言CL99.99%當選,唔多唔少令到不少相信燈神,大玩contrarian 既投機人士轉而投出JT既懷抱。

群外既哲學仔補充認為:香港人想要嘅從來都唔係民主,只係想要一個可以治理好香港,人人有樓住,個個有工開。有民主,冇樓住,咁要民主嚟做咩?香港人想要嘅其實一直都係《理想國》入面嘅哲王。又誠如亞里士多德嘅目的論所言,有啲人本質就係奴隸。

 

我都想認為一下,不過:無票。。。不如收番。花生算。