陳雲打算唔玩香港城邦論 話要建立海外根據地


 

國師陳雲自從被嶺大炒魷、選舉失利之後都冇咩野新搞作,正當特首選舉前夕,編輯部都望佢會開金口發表一下高見之際,結果國師今日就語出驚人,話打算唔搞城邦論,改為在海外建國咁話喎!仲形容到呢個係香港人嘅《出埃及記》,延續皇天上帝嘅故仔,更犀利嘅係國師已經吹到話自己已經諗埋點樣實行,而且只要與收容國取得默契,循序漸進,其實「一點也不困難」。話時話國師你同中共咁有默契,香港城邦論應該早就已經成功上馬,冇理由至今十劃都未有一撇架播。
 


 

建立咗海外根據地之後係咪人人都去得?國師就話到時佢地會有自己嘅情報系統,拒絕賣港賊進入領土,輔仁媒體編輯部咁多位嘅紐倫堡之友恐怕與呢片綠水「青山」永世無緣勒,認真可惜。

個大計聽落都幾有志氣,但係唔知打算幾時實行呢?國師就話目前佢正在寫書,時間不足,遲些再計劃行動咁話喎!希望偉大全能嘅國師唔好走數冇下文,到時比人話講就兇狠做就碌撚就無謂啦。
 
 

文:中央專案組