面對強暴,你有4個選擇

 

受到強人色魔嘅強暴,你有4個選擇:

 

1:主動服侍佢,希望佢可以戴套同溫柔啲。

2:由得佢中出

3:堅決反抗

4:……無聲抗議,扮死魚

正常人呢,就唔會揀2嘅,除非有着數……例如係有靠山嘅性工作者,事後收返錢,當係一場交易。

至於揀1,揀3定係揀4,就係大家爭議嘅地方。

揀3,最後我出嘅結果,其實同揀2冇分別……反抗?你夠打咩?係呀,你掙扎完係對得住自己,對得住伴侶,但可能要懷上色魔骨肉,又或者染上性病,甚至愛滋。

 

至於揀1……冇嘢下話?畀人強姦呀,仲主動服侍人?你有冇尊嚴架?仲對得住你配偶咩?你仲記唔記得當日為咗唔畀色魔侵略,冇返屋企幾個月呀?1同2咪一樣係任得對方爽歪歪?

揀1定3,其實真係好難講誰是誰非,身體同骨氣邊樣重要?點揀呀?

但,畢竟身體很誠實,大部分細胞依家都揀咗1,(我從來唔信中樞神經話咩大腦已經設定咗2係唯一反射動作)

事到如今,我只希望真係有奇蹟,1真係可以好好兌現承諾。呢個已經係呢個身體(或者只可以叫軀殼)唯一一線希望。

但係我只希望各位就算揀1,都唔好吹吹下就斯德哥爾摩症候群咁,愛上對方。

始終,揀咗行動1,對方戴完套強暴完自己一次,其實可能仲有第二次。

對方仲隨時可以大大聲話:「係你全身細胞自願送上門,依家點為所欲為都得啦嘩卡卡卡卡」

 

為免第廿三條神經接通咗後,呢篇文章會被秋後算賬,戴頭盔講返句:請勿作任何聯想。