自己戇鳩就算啦,唔好累街坊

 

自細個開始,我接收的公民教育,都是要我們「唔好阻到人、麻煩到人呀」、「要有公德心呀」,講到尾,就係要有推己及人之心,要明白世界唔只得你一個。

點知,唔知由幾時開始,越來越多完全唔顧己及人的事件發生,最佼佼者當然是冰封大帽山一役,當時有位港女仲要拎個電話影住警員大鬧「條命是我自己架!點解唔俾我上去!」。無錯,條命是你既,你去死無人阻你/阻到你,但是你是基於咩原因先?是三隻字,「湊熱鬧」咋喎?你為左「湊熱鬧」,置自己於危險之中,要勞煩警員消防員黎救你,你好唔好意思先?仲要大聲夾惡?無野呀?

好啦,唔講呢D Special Case啦當,但原來當時上大帽山既人,絕對唔係少,可見「囉膽」「湊熱鬧」呢樣野原來幾受歡迎。據資料,當時最少有111位人士被拯救,當中不少人著唔夠衫,帶唔足裝備。嘩,你咁都夠膽走上山,消防員真係多L謝哂你呀。

比較新近的,相信是剛發生不久的吊手岩事故,兩位行山人士好行唔行遠離左大路去行,搞到迷路,最後一位消防因故徇職;再來就係消防員居然要網上呼籲唔好爬上觀塘偉業街天橋影相。先談談吊手岩事故,相信兩位人士都真係唔想,同埋觀乎他們的職業(機場特警/機場保安等),都算屬於體能較好的人,所以才會高估個人能力。但事實就係「我雖不殺伯仁、但伯仁因我而死」,因為自己玩樂害死人,點都係悔不當初啦。

最最離譜的相信是近排消防員居然要網上呼籲唔好爬上觀塘偉業街天橋影相。我睇到果陣,真係心諗「戇鳩架?」影相還影相,點解要爬上去影?用腳趾去諗都知道你一爬上去,下面D車就唔知你係咪想跳橋一定會報警架啦?同埋,雖然我未睇套戲的第三輯(都未上…),但睇一、二輯根本都無爬過上橋的橋段,咁因乜解究你又要爬上去呢?如果純粹係因為靚,咁又會唔會過份左少少呢?為左你影相扮文青居然要勞動人地又出動消防又搶救又乜乜,你真係唔會紅都面哂呀?如果你心諗,車有咩事都會有消防員救架啦,使乜驚。癡線架?咁你同果D亂打999亂Call白車既無腦之人有咩分別?緊急服務唔係俾我地咁用架囉!

其實將心比己,人地消防員雖然有多D裝備姐,但人家因為你的緣故,置自己起一模一樣咁危險的地方。如果你有親人做消防,你都會擔心佢啦。咁點解你又可以輕易置別人的老公/兒子/爸爸起危險的境地呢?所謂「老吾老,以及人之老;幼吾幼,以及人之幼」,即係要尊敬自己的父母長輩,從而推廣到尊敬所有人的父母長輩;愛護自己的孩子,從而推廣到愛護所有人的孩子呀。呢頭上網睇勁多有關哀悼徇職消防的新聞,果頭就去俾工作人做?香港再繼續有咁多咁戇鳩既人,消防真係十條命都唔夠死呀!真係「無腦既人特別多、消防救得幾多個」?

最後,有不少言論話,一日最衰都係新假期同港生活啦,咁我又唔同意。講真,人地既責任係介紹下香港有咩好去處,除非佢資料出錯,否則責任都應該落在用家,即是我地身上。試問咁多人睇,點解淨係得一D白癡仔去左一D危險地方出事,仍有好多人無去?好簡單,因為白癡仔真係白癡仔,唔諗清楚查清楚就跟風一窩蜂去。其實可唔可以諗清楚,會否有危險、會否麻煩到人、再決定呢?我有時會覺得,呢D咁自我中心、盲目跟風、不顧他人安危死活既惡習,起邊度沾惹番黎?之唔係我地熟悉的強國囉。試想想,能有此等惡習,強國人敢認第二真係無其他民族敢認第一。想不到民智呢樣野,未使等50年,原來而家,已經開始潛而默化地改變緊香港人,越黎越退化…