有線係好高質,但呢個市場需要嘅係乜嘢?

 

話說我見到有線新聞應徵去做林鄭支持者收左$600條片,仲走去窮追猛打去訪問個搞手添,不過當然係推得一乾二淨啦。跟住就見到FB當然好多likes 同share 同留言啦。其中有好多講:

有線真係好高質!
有線真係唔執得!
呢D片CCTVB永世都唔會拍得出!

等等之餘此類。

就咁睇,如果我係有線新聞既員工,我都會感動幾秒既。

但係再諗深一層:

既然好似咁多香港人撐,依家有線既未來係何去何從係點都唔知,隨時因為無人注資而就此關門大吉。咁既然大家都咁recognize 有線新聞真係做到報道真相,監察社會不正當現象既傳媒功能,有心人如果真係未安有線既話,係咪即刻速速磅水去以實際行動支持有線呢?而真係為左香港好既廣告公司,又可唔可以落廣告果陣鬆手D,等有線多幾個錢傍下身咁呢(甚至whoever 即刻掟十億落去?)?

但好多香港人當然唔會咁做/咁諗。平時俾likes 已經夠晒孤寒,更何況要俾錢?等於一開始都話TVB係霸權黎架啦,但係依家ViuTV 開左,係咪真係個個轉晒去99台?(雖然ViuTV 依輪D質素都真係認真麻麻,希望遲D會好番D),呢個又係去到一個老問題:公司管理不善,但係出到好野,大眾有無需要一齊「道義」上幫幫手等佢渡過難關,生存到落去?

如果佢生存唔到落去,正如好食既餐廳但最終執笠一樣,1,香港人其實都係WFC,執左係可惜,但阻止唔到佢地去食再平D既大家樂;2,明知質素係好好,但唔係好到自己要出錢去救囉;3,其實都係1-2點加埋。即係口裡就講支持,但係其實到最後身體很誠實,唔會付諸實際行動,直至執笠果陣先係FB貼番句RIP有線,聽日又一切如常睇番無線新聞,一邊睇一邊鬧咁囉。無人阻止到劣幣驅良幣的趨勢。

講到最尾,又係賺到盡/金錢至上呢個思維。真係對社會發展,尤其是所謂道德監察之類,好大傷害。財務上唔WORK,就點都要收皮。只要果樣野係免費,理論上真係就算係一堆烏繩繞住黎飛既屎,香港人都真係會拎住先。至於要付費既,就真係睇你有無其他宣傳packages 谷得起,如果唔係真係係咁歹。。。到最後又係只得付費電視係香港business model 唔work 既結論。完。除左咩需求drives 咩供應外,真係無其他野好講。

人,真係可以好虛偽架。

 

利申:有線中國組長期fans。但對於有線前景,真係一D都唔樂觀。香港人鍾意eat shit 既,真係唔好話少。我係唔會相信既。