其實偷就係偷,奈何個世界接受

 

話說有人係一個Facebook專頁屌足一日,講緊Page holder係YouTube Download返人地條片重新上載到自己嘅專頁上成為自己嘅Feed,好似好有良心地貼返Source。

相信玩開Facebook嘅人唔難發現而家好多Page呀Group呀都會用類似手法去放野落自己個Page,有d仲撚狼直頭後製多一次。其實問題唔係你有冇貼source,問題係偷片,其實大可以直貼YouTube Link,但又好少人咁做,因為Facebook會令你無Reach同hit rate,然後一句話一蚊都無袋過就認為過關。

有人提及到關於Fair Use,其實Fair Use唔係淨係單一睇商業因素,不過香港無所以我覺得討論唔到乜野結果講來都有少少多餘。

即係好簡單問一個處境就係個個偷完片落Facebook度然後話無收錢就得嫁啦,咁原作者本身可以得到嘅click rate呢?就比人地食鬼晒,香港人對於保護創作方面嘅水平仍然好低,百貨養百客,點解越來越多Page會用人地條片加後製再出,但係出嘅野可能係d有趣野而非同其專頁有關? 再講多個問題,個個都屌新假期乜乜乜TVB點垃圾,屌得罪講句有人睇,做完on9野個市場有大迴響,咁佢已經達到咁目的啦,仲講佢嘅野係咪垃圾已經多餘,因為總有一群人鍾意睇垃圾。

再者要說到講Content Farm定義如果仲係諗住人地係做網儲偷文/尻文只係顯得你地唔了解個網絡世界運作,而家營運一個Content Farm已經唔係再用大家睇得到嘅手法,你係連中咗佢地計比咗Hit rate佢你都唔知,依個部分唔詳談,因為唔係我主要想講嘅野,但係,They are doing what they do.

如果香港人對保護知識產權嘅意識仲係咁低,真係好難係香港搞創作,網媒好多都自我轉營成偷片狗,原創野越來越少,劣幣驅逐良幣,其實就只係咁。