語錄大戰?——男女大不同

 

利申,其實我自己真係好鬼鐘意睇猛鳩語錄,因為除左好笑、抵死啜核之外,其實仲透視左好多一D根本的男女分別。今次大家一齊放開咩港男港女的包袱,睇下猛鳩語錄所講的,是咩男女互動的現象同分別啦。

 

1. 女仔情感細膩、感性行先 VS男仔直腸直肚、理性行先

 

上述兩段,顯示出女仔情感細膩、感性行先,而且有好多野希望男仔「意會」,唔使我「講出口」,但這就同男仔直腸直肚、理性行先的性格大相徑庭。男仔亦不擅解讀象徵意思,比較直腸直肚,不轉彎抹角。

 

2. 女仔注意生活細節VS男仔比較神經大條

 

女仔通常比男仔更緊張平日的細節(而且一般會把愛情放在生命中更重要的位置吧),以致當你無「秒回whatsapp」,女仔就會諗「你做緊咩blablabla?」。這部分亦可能源自於對對方不信任(假設對方出軌之類)。但其實男仔可能只是真係返緊工/打緊機/睇緊波/同兄弟吹緊水…只能講,俾多D空間大家啦,男仔需要自由架。

 

 

相信男仔都聽厭左「我今日有咩唔同呀?」呢句,因為真係唔想專登觀察你究竟有咩唔同左,而事實是我老豆是我母親由長髮剪做短髮都完全不知道的人。而亦有言論指出男性天生的色辨能力就是比女性弱。所以,神經大條這回事,我覺得男生真的認左佢吧啦~只是女性要俾多一點體諒啦~

 

3. 公主病徵狀的延伸

在少女語錄中,我地不難發覺有不少公主病徵狀的語句出現,病徵如下,未能盡錄:

 

A. 需要任性地被寵愛

 

左邊語錄之意,即是即便女仔點發脾氣都好,男仔都要忍。喂講唔講道理架,你亂發脾氣就係你唔岩,是應該你控制下脾氣囉。難怪右方男仔認為你無腦架喎。

 

B. 要求對方一D莫名其妙的付出

 

唔係要男仔去建身去抱起自己呀,而是就算高矮肥廋都好,愛的唔係你的外表而是內在呀。

 

C. 盲目跟風追趕潮流,食野方面例如芝士/紫薯/黑松露、又或者名牌

 

有這句的原因,自然是因為女生都崇尚名牌,期望男生在生日時送重禮。但是,事實是「哪有錢、你娘親」呀…

 

D. 不切實際的FF幻想

 

這個真是笑出聲。我是女仔,我只期望男朋友好好渣車,沒有別的了。

而我覺得,在咁多張之中,其實最有意思的是以下這一張。咁明顯講得出「我係有公主病架啦」,非呢張莫屬啦:

 

但仔細想想的話,其實現今的男女大戰,是有跡可尋的。歷史中女性被看輕地位是千古之事,女性主義抬頭講緊都唔夠一個世紀。即使而家點提出男女平等,社會對於男性評論女性,依舊是比較接受的,你觀乎媒體炒作依然以女性身材為中心就可知一二。男性在社會,一直都係處於強勢,我敢講即使而家都是。所以品評異性之風這回事,怎麼講也是男性有壓倒性優勢的。

回說女性主義抬頭的問題。雖然社會現高舉女權,但說真的,每一位女性都總希望自己能被疼愛、被呵顧。少女語錄的出現,其實是高舉女權社會中的一個反動:我能幹、我有自主能力,但我也要人寵、要人呵護。只不過,女性因而在兩性互動之間「食盡兩家茶飯」,即是一方面「我要有女權!」、一方面又「我要你寵我!」嘩,咁對男性黎講,簡直就同中共對抗一樣,公你贏字我輸,將心比己,又實在是太唔公平啦。

而怎講都好,我覺得語錄所體現的價值觀的確存在著問題的。在少女語錄中,所展現的情態是膚淺任性、刻薄、不理智、計算、自私的價值觀。而最大的問題是(同耶L一樣),女生在這樣的基礎上往往把自己的想法強加於別人身上,要求自己的另一半達到這樣那樣的要求。同時,千百年來女性無法品評男性的壓仰,就在一息間完全爆發,所以先有咩「小鮮肉」等詞出現,而且列出十萬樣擇偶條件。其實,男和女之間都無資格把另一半放在心上秤。很喜歡Twins〈傷失情人節〉中一句「人揀我我揀人,突然全部都不揀我」,其實愛情邊得黎咁多計算呀。

最後啦,又係咪只有女生先會一面倒地認同少女語錄精神?以我的經驗是,其實越大男人的人的想法就越似語錄。即是例如「秒回whatsapp」的問題,如果是大男人的男仔,女仔唔「秒回whatsapp」一樣會發爛渣。講到尾,語錄精神是一種極端而不健康的愛情觀,而對象亦不限只有女性罷。所以,其實猛鳩所作的,是對抗一種錯的愛情觀而唔係對抗港女。我們要嘗試的,也是要對抗這種錯誤的愛情觀罷。