法國歷史上離奇政府部門:生活質素省、集體自由活動省、世代團結省

巴黎 – 法國公布新內閣名單,但似乎未見令人恥笑嘅部門名稱。而係第五共和國歷史上,就出現過各種各式奇式省廳同擔當相嘅名稱,甚至被人恥笑至今。 1970年代,第一屆希拉克政府曾經出現「生活質素相」,當時大臣 André Jarrot 被提問都表示自己唔太清楚職權範圍:「我相信包括青年事務、環保同埋有啲文化掛。」最後呢個省廳變成今日嘅環境省,或者係最新嘅生態及整體發展省。 1981年則出現過「消閒相」,直譯為「自由時間大臣 Ministre du Temps libre」,源自1930年左派提出有關「自由時間」嘅概念,要為青少年提供「集體自由活動」。縱使備受恥笑,甚至1983年省廳就被裁撤,但「度假券 chèques vacances」嘅政策,卻至今依然有人提出要恢復,就係政府出 Voucher 俾大家去青年中心等政府度假設施度假。 1995年,朱佩總理則出現咗「世代團結相」,將各種平等問題歸納旗下,但好快幾個月後省廳改變就唔見曬,仲有好多女性閣僚都唔見埋。 近年備受恥笑嘅係生產力重建相,媒體都大篇幅恥笑模糊嘅職稱,最後現任總統接任經濟相時,最多變成咗「經濟產業相」。 BFMTV