荷蘭國王係KLM匿名擔任客席機師21年無人知?

岩士達覽 – 荷蘭皇家航空真係皇家航空,因為直至上週,國王威廉歷山都會定期駕駛KLM嘅福街70客機,而且係會真載客。 Bekijk meer video’s van vtmnieuws op nieuws.vtm.be 威廉歷山定期參與KLM商業飛行已經21年,一般擔任副機長。佢表示9.11之後一般乘客好難入機艙,乘客最多可以憑聲認得佢地嘅君主。 「但朕一般唔開自己名,只會代表機組歡迎大家。」荷王表示:「就算穿著制服係史基浦機場行過,無乜人認得朕。」 但而家隨著福街70退役,荷王都要停飛一排,並接受訓練轉飛波音737。 雖然佢係KLM客席機師,但舊年11月出訪澳紐,卻乘搭酋長航空,惹來工會不滿:「顧客永遠係啱嘅,但國王唔係顧客。」王室則表示,選擇酋長航空純粹係節省開支。 VTM / NOS