【伊朗總統大選】香港票站投票要寫候選人全名. . . . . .

 

伊朗總統選舉週五舉行投票,伊朗駐港總領事館亦係海外票站之一。

合資格選民需要帶同護照抵達票站,然而選票最初望落去好似一本數薄咁。一半係有號碼,職員會登記選民嘅有關資料,並且需要打手印,避免重複投票。而另一半撕開就係選票。

 

伊朗大選選票,來源:維基百科

 

選票無印到任何候選人名字,而係俾空格俾大家填心儀候選人姓名,同埋法定編號。

伊朗駐港總領事法格雷博士 (Dr. Mehdi Fakheri) 向我地介紹道,點票時需要確保姓同名,以及候選人編號要 match,否則很可能當廢票,「我地收到候選人list,有時都發覺幾突愕,大家都唔知有啲候選人嘅中間名、或者父名等等,所以都要印出處理等大家參考。」

 

所以現場印有候選人全名,以及編號嘅「貓紙」公告

 

票箱(左下)

 

今次總統選舉最終有4人參選,民意調查顯示係溫和派嘅魯哈尼同保守派嘅賴以士之爭,總領事表示,根據現時選舉制度,如果無人係第一輪取得過半數選票,一個禮拜後將會有第二輪投票,第一輪得票最高二人對決,類似法國總統選舉嘅安排。

 

伊朗駐港總領事法格雷博士 (Dr. Mehdi Fakheri)