文翠珊嘅24%領先如何蒸發?

 

英國大選開票,出口民調顯示保守黨似乎是意外無法得到多數,政治記者已經留傳文翠珊只有50%機會保住相位。

但文翠珊4月18日宣布大選之時,領先對手工黨24%,到最後一日近乎蒸發,到底點解搞成咁。

 

Strong & Stable 機械人

大家睇到最表面嘅內容,大概就係不斷重複嘅口號「Strong and stable Government」,空洞嘅政綱,上次膠社論嘅已經探討過一啲。

但英國首相嘅職位,同其他國家領導人好唔同,有一個傳統,就係好辯得,口才了得,仲要有文彩。大家不要忘記過往嘅首相金馬倫、戴卓爾、邱吉爾全部都能言善辯,邱吉爾甚至係諾貝爾文學獎得主,因此英國首相嘅傳統,唔係容易 fill-in。文翠珊嘅機械人反應自然唔合格。

 

用人唯親?

開票節目中,唔少訊息已經傳出,文翠珊很大問題係決策圈子很小,甚至自己閣僚都未睇過政綱,甚至試過厚生大臣講唔同嘢。之前講過,提早大選要當成最高機密咁,搞到用人唯親又係可能死因。

 

反建制?吸左票卻丟失右票?

而在拉票過程,不難見到文翠珊推出好多左派政綱,強攻英格蘭北部。但連番轉軚失言,明顯更多人依然覺得保守黨係建置,英格蘭北部明顯工黨守得住,保守黨反而係後欄失火。正如前財相歐思邦係ITV節目所言:「保守黨政綱向英國獨立黨靠攏,搞到背棄都會現代嘅年輕進步選票。離開中間就會面對這個樣結果。」

 

三黨變兩黨 當選反而難咗?

最後更有趣嘅是,唔少台都表示保守黨預計取得全國44%選票,過往沒有激化兩黨矛盾嘅選舉,已經為貝理雅或者戴卓爾帶來壓倒勝利。

但文翠珊卻強調係兩人之爭、兩黨之爭,加上更多人策略投票,自然令主要對手得票增加,呢次真係 Backfire。

 

呢次可以話人類戰勝機械人,係人類嘅勝利。:0)