喜劇演員建議英國派趣怪候選人 Lord Buckethead 去脫歐談判

倫敦 – 英國大選發展荒誕如鬧劇,甚至令喜劇演員 John Oliver 嘅節目或者趣怪候選人都顯得認真。 特別係文翠珊出選嘅少女渡頭選區,有多位趣怪候選人出選,包括 Elmo,以及曾經挑戰戴卓爾同馬卓安,來自外太空嘅「水桶頭爵爺 Lord Buckethead」。 雖然明顯搞怪,但政綱不乏有睇頭,有啲仲惡搞得令人笑到肚痛:例如包括廢除所有貴族 (但佢自己除外)、BBC同國會恢復 Teletext、大家應該公投是否舉行第二次公投、投票年齡應該限制係16-80歲、國有化歌手 Adele、追捕獵狐者合法化、停止軍售俾沙地阿拉伯 (應該向爵爺買激光槍)、全民免費單車黎制止偷單車罪行、候任議員必須在選區住滿5年。 Oh my god Lord Buckethead’s political manifesto I’m screaming pic.twitter.com/e31ytIBk91 — Scott Bixby (@scottbix) June 9, 2017 而喜劇演員 John Oliver 更係佢每週節目貼出爵爺係地方辯論表示,脫歐談判將會係「一盤屎水」,建議文翠珊如果仲留得低,應該派去水桶頭爵爺歐盟談判。 BBC