掛左八號成個鐘喇,你返到屋企未呀?

 

其實,我唔明點解要5:30掛八號。如果係咁不如推遲多一個鐘。依家咁樣肯定塞死晒D路上運輸。實俾人鬧到痴線(其實咁尷尬既時間點都俾人鬧到痴線)。

依家都仲係得橫瀾島達標,其他只係上到去強風程度,天文台真係咁有信心可以五點半前就八中到三四?我就唔係咁樂觀囉。但依家天文台已騎虎難下,佢一定會係五點半前掛八號。到時再睇下長州達到烈風未?

至於拿拿話我估錯晒呢,我諗我食飯果陣篇文好清晰,只係純粹想講(1)9號10號無機;(2)8號有機但我覺得會係弱8,因為呢個天文台手鬆。至於時間我講11點,係我當時睇上晝11點新聞稿個風都未有咁快,同埋強度未變。後尾調番轉再計個風行快左近10公里每小時,呢D野估唔到。

而再『退一萬步講』,9UP下都唔駛死,起碼(3)聽日一定落左波呢樣野我係幾肯定既(一開始英文POST都係咁講)。打工仔只係會理會呢樣。BANG