英國政局前瞻:文翠珊全面龜縮 蘇格蘭保守黨應奪權自救

膠社論 – 文翠珊賭大咗,提早call大選,搞兩個助理都要應聲辭職。甚至之前霸氣傳出要炒財相夏文達,但而家梗係無左件事,但內閣任命睇黎兩人關係都好大問題,而且全面係防守狀態。甚至有英國媒體指出,而家咁樣組閣法,黨鞭可能仲有權個文翠珊。 英國政壇嘅大斷層 英國有句政壇諺語:「英國政壇嘅聖安德烈斯斷層位於唐寧街10號與11號之間」,意味著唔少政治紛爭都,係由首相財相兩人關係惡化開始。 夏文達係預算案就曾經得罪文翠珊,選前已經被傳要撤換。夏文達今次雖然同六大臣同時留任,但今次卻係將線眼安插大藏省,如同一年前架空 Boris 一樣。 首先大法官卓慧思被貶大藏省侍郎,跟住仲要派埋新任內閣府侍郎祈達文做大藏省排名第三嘅「總發糧官 Paymaster General」,真係睇到實一實。 全面防守狀態:親信做「筆頭國務尚書」 祈達文呢個任命,的確係呢次內閣改組突然殺出嘅黑馬。 首先週六傳出改組,六大臣改組無變動,意料中事。但到週日,突然殺出一個唔見成年咁 title First Secretary of State 「筆頭國務尚書」,而且唔係俾各位傳統大位置嘅大臣,而係俾幾乎無人識嘅祈達文。 筆頭國務尚書,唔係英國內閣常設嘅職位,有時當係副首相咁派,例如文德森回朝幫白高敦,於是派呢個位俾佢,加上產業省尚書、樞密院主席;又或者副首相有人做,Nick Clegg咁,外相夏偉林就係筆頭國務尚書。 但今次筆頭國務尚書,唔係落係任何大部身上,而係個大內總管,仲有伸埋隻手入大藏省做監軍,真係非常 Desperate 嘅食相,自己都唔睇好。 關鍵係祈達文嘅老婆,Alicia Collinson,曾經係文翠珊嘅 Tutor 組員。祈達文自己係文翠珊內務省擔任過專責警察部嘅侍郎,算係謎題解開。祈達文甚至親密到曾經爆料,文翠珊覬覦相位已久,可以話親密盟友。 大權旁落:最有權嘅係黨鞭 文翠珊退守自己內閣府同大藏省,甚至同北愛民主統一黨嘅協定係「逐次計」嘅信任協定,大權旁落,甚至有資深記者表示,英國最有權力嘅人係保守黨黨鞭韋廉信 Gavin Williamson,因為 DUP 逐次計,就算談判都係佢做。 仲有更危險嘅係蘇格蘭保守黨有13席,戴慧沁 (Ruth Davidson 「歐洲動態」翻譯)已經講明會擊沈任何硬脫歐,黨鞭明顯要等議員歸位先可以維持多數,特別係蘇格蘭保守黨叛變,拉返北愛10席都係會議案沈船。 或者強力支持留歐嘅祈達文出任「筆頭國務尚書」,或者就係singal…