路塞博奕論

 

話說今日呢個合乎商務及經濟發展局最大利益(之係GDP主義,話知你死人冧樓,奴工都要開工)所謂八號風球,為港幣服務嘅天文台皇恩浩蕩咁俾大部份文職人士放早半個鐘,大家喺叩謝聖·天文台(Saint Observatory,知名網民·林非·2017)都嚟唔切嘅情況下,冒住唔俾港鐵延誤焗死,喺冒雨嘅露天巴士站俾傘篤死,或者各大小商場鐵路站超負荷扶手電梯託賴冇出意外嘅情況下動物大遷徙歸家,真箇冇傷冇痛返到屋企都當你贏。

附圖呢度呢就係荃灣荃豐中心對出,荃灣多層停車場嘅行人天橋,平時呢度已經熙來攘往人流如鯽㗎喇,閒時仲有契丹丐幫(冇 working visa)又裝聾又扮啞在此刺激終囯GDP,我就行咗呢段路十幾廿年,首次企哂喺度,閒時明明係冇原因想停留此地嘅通道,偏偏各位早咗放工嘅奴工(包括在下)今日喺度非法集結。

企開少少今日睇真啲,艾思~原來係「年宵效應」——通道右方係返荃景圍一帶嘅小巴隊龍,由地下排返上行人天橋就梗㗎啦,日日如是,但往來荃灣地鐵站——千色店方向嘅人流,卻是毫無默契咁左上右落 vs 右上左落,大家都唔讓夾硬鳩過嘅結果,就係區區一段二三十米唔到嘅路段喺酸粟汗臭溝屌你老母嘅情況,人人都趕時間咁一起浪費時間。

根據博奕論(Games Thoery),原本大家好過嘅用橋方法為——

一起左上右落
來 5:去 5

但假如有一個人貪快,右上左落咁越過同方向嘅人潮
所有人 -1:自撚私 10

由於大部份人都想快嗰「五」秒歸家,結果人潮大兜亂,兩個方向嘅人各不相讓咁迎面互屌,結果
所有人 -1:自撚私 都係 -1

Merry Christmas,hallelujah,大家一齊迫迫迫同屌屌屌,原本十秒行完嘅路昇華為十分鐘,如果路邊有炭爐,我真係想立刻搵埋哈姆太郎一齊跳起yeah暨BBQ。

明明各位真·文明少少,唔爭先恐後,唔好驚死執輸行頭慘過敗家,咁就大家合皮開心上路啦,不過算啦,我呢種窮酸無名氏講咁多都係多舊魚,曉得互利同埋唔貪小便宜嘅人,就唔係香港人啦,係咪?