那些年我們一起玩過的《傳說之旅》

 

書又讀完,grad trip又去完,確係有少少空虛。唔記得咩情況下黎左個學業走馬燈,諗返起小學玩過隻教育遊戲《傳說之旅》。

《傳說之旅》裡面有個卡牌棋局遊戲,可以同電腦玩,亦可以同其他玩家玩,一局最多4玩家。一開頭乜都唔知就入左去玩,然後攞住疊1至2星嘅垃圾牌比人啲3﹑4星牌屌打。原來要攞靚卡係要做學科練習答啱問題儲金幣買嘅。答左啲特別難嘅題目有機會攞到靚卡好似係,太耐唔記得了。遊戲設計者係幾醒嘅,迫你班學生做練習。不過小弟就覺得啲題目好淺。可能係我醒啦。

隻game吸引到我其中一個原因係啲設計幾靚,啲角色卡真係畫得幾靚架。我自己就最中意隻獨角仙,好型好cool。經過一翻努力(其實只不過係不斷loop啲題目),終於儲到一手靚牌,成手4星角色。之後,就係我屌打其他人嘅日子。

早2日想回味下呢段小學雞傳說,發現好似2013年已經停止左開發。Acc照樣開到照樣玩到,不過冇學點,冇得答問題,冇得儲卡了。。。

《傳說之旅》從此成為左傳說。