【錯就要認】呢啲家長,幾時先肯喺小朋友面前做番個好榜樣?

 

朋友問我,香港人生了孩子之後,是不是會覺得只要「細路有需要」,你可以隨你心意轉變所有事情。我發現,不少我這個年紀的父母,都會覺得拎個細路出黎,就會有人幫佢護航,所以先會敢地球post寫出黎。香港人的質地是怎麼樣的?有了網路之後如何影響我們對人對事的想像和走向,兩星期前在 #903國民教育 說過了。既然世界就會向這個方向走,我們就只好乖乖的接受吧?

Posted by 健吾 on 2017年6月18日

 

唔知幾多人到單新聞(其實應該唔新,問下做飲食業既朋友就知)出左先知炒貴刁原來係辣既,不過都唔緊要,問題並唔係辣與唔辣或者個小朋友食唔食得,而係果位出post 既家長無左做家長甚至做一個人最基本既態度——承擔。

 

子華神曾經講過,香港人好多時講「錯就要認」,不過係要對方認;而被打係唔需要企定(即係避得就避),呢兩句野就正正係呢個家長處理呢件事既心態。

其實件事好簡單,先唔好講佢地有無睇到本Menu上面隻辣椒仔(可能無都唔出奇)或者佢地本身知唔知炒貴刁係辣,叫錯野食,一係唔食然後叫多樣比小朋友食,一係就比個小朋友食福建炒飯(小朋友應該食得)自己食左碟貴刁,件事就解決左。

但果位家長偏偏覺得自己叫錯野食係餐廳無同佢講呢味菜係辣,格硬將自己叫錯野食既錯推去比對方認,然後當自己要承擔返既時候(即係比錢)就放單野上網希望有人認同自己之後有人幫手打返對方,連承擔叫錯野食既責任都負擔唔起,而個小朋友就坐係側邊學曬,你期望呢個小朋友將來會為佢自己既人生負責,承擔佢既既家庭同埋社會?不了。

咁既處事態度只可以教出一班自覺無錯人地錯曬同避得就避既社會Freerider。

 

我求下香港班家長比少少勇氣同膊頭,衰左就認左佢然後受返,做返個好榜樣比小朋友睇。