非法「連任」兩次 黎巴嫩國會終改選

井州 – 經過僵持多時,黎巴嫩國會終於通過新選舉法,預計明年可以改選。 現屆國會2009年已經選出,已經非法「續任」兩次,因為大部分都唔願意用1960年訂立嘅辦法,甚至1932年未曾更改嘅選區黎競選。 舊有嘅選舉辦法,雖然各宗派都有保障席數,但選舉嘅設計係,候選人需要在區域內取得唔同宗派嘅支持,才有機會當選。但近年矛盾激化,幾乎都係穩定地方最大宗派取得議席。而且黎巴嫩無法進行人口普查,因此選區無法更新,一直沿用1932年嘅劃界。 新選舉法當中每個選區將會變大,而且改用比例代表制,令小族群都有機會當選。而且首次容許國民在海外投票。 黎巴嫩至今嘅政治僵局,亦是因為親真主黨勢力同反對敘利亞嘅勢力係國會勢均力敵,因此沒有雙方同意,都無法立法,或者選出新總統。 路透社 / 半島台