默默守護,是為了掩飾沒有親近你的資格

 

(內含劇透)

 

巨人第2季第12集(聽聞係season finale),一向眼神銳利神態冷酷嘅Mikasa對Eren展現左一副叫春咁嘅模樣。

當時Mikasa同Eren都無戰鬥能力,前者重傷後者變唔到巨人,比巨人包圍之際,Mikasa好冷靜咁對住Eren露出一副從未見過嘅表情——笑。然後,對住Eren講左啲多謝嘅說話。

通常,講完呢啲說話,下一幕就係瓜老襯。

點解呢啲說話永遠都要留到死前先講?

或者係因為冇資格講。

明明係Mikasa一直守護住Eren,點解會係Mikasa講多謝?

或者係因為以守護去親近。

一個人想親近一個人又覺得自己冇資格時,會搵藉口比自己去親近,守護係其中一種。

表面係守護對方,實質係比機會自己親近對方。所以喺呢啲人眼中,即使係自己守護住人陪緊人,都會覺得係對方陪住自己。

一直守護Eren嘅Mikasa喺最後關頭同Eren講:「一直陪著我,謝謝你。」

現實中,你一直守護住嘅人,又係咪你覺得自己無資格親近嘅人?