怪獸家長們,你有無諗過不如轉職做「野獸家長」?

 

香港新一代既家長點樣養育子女,明眼人一睇都知,係完全違反大自然定律的。

睇過下國家地理雜誌講下非洲草原既動物都會理解到,獅子老虎養到自己既仔女咁上下,就會開始要求下一代係陌生既環境到受訓,甚至自己打獵,自己一邊一路睇一路觀看。呢個係明白到自己終有一日唔係仔女身邊,仔女要有自立同埋生存既能力。如果唔係,一旦離開,自己既仔女成為廢柴,係物競天擇既鐵律下,自己一系最後必然係絕子絕孫。

但係香港有堆怪獸家長就反其道而行之。愛之深,真係責之切,但係係責其他人。從炒貴刁到廚房俾人狂刁,你一可以睇出家長一方面毫無常識,竟然以為炒貴刁會唔辣;第二你可以見到細蚊仔女好似食左辣既貴刁,等同係性命受到威脅,幾乎要即刻飛的入養和深切治療部一樣。咁既環境下長大,仔女必然如何玻璃人,落個黃雨,都隨時會因為沾到雨水而粉身碎骨。

最近我寫果篇港媽黃蓉又從新得到一D朋友既注目同傳閱。以我個人經驗而言,真既,愈聰明既人,都會犯上聰明反被聰明誤既問題,結果教出既後代,先天本質不壞,後天反成畸型。因為係玻璃房下,佢根本唔知窗外呢個世界係點運作。郭芙斬下楊過手臂,肯定痛快。而且俾佢再多一次,都必然會咁做。呢個係完完全全繼承當日黃蓉整斷歐陽克雙腳一樣--

有時好多野,都係一念之間,就禍延幾代。不經不覺就影響整個社會。孽,就係咁樣循環不息。大隻佬劉德華,死幾多次都唔會有用。