【林鄭新班子】高永文陳家強,功高蓋主無得留低?

 

尋日有人叫我評論新任問責司局長人選。

其實大家都知道,仲有咩野可以講?過去一年甚至幾年,咩都講晒啦?但係睇番最近港大民意研究計劃既調查,配合番少少數字,我地會有D有趣既發現,詳情可以click 個圖。

 

 

表現失敗同拙劣既吳得掂同埋689,無得留低,叫做係無天理既情況下,為廣大市民派番少少安慰獎。但係更加之正既係,如果睇支持率淨值,你會見到表現理想同埋表現成功既高永文同陳家強,亦同樣無得留低。你話呢個係佢地既個人意願或者係不可違抗力,我就唔會妄自評論喇,不過結果係咁,大家又點睇?究竟林太既面皮,係咪可以厚到修補到港珠澳橋,先講得出現時班子已經係「最佳陣容」?(定「最佳陣亡」?)

而依家新班子留任既,結果就係所謂「表現一般」同埋「表現不彰」既現任局長中挑選出黎既,呢種邏輯,係完全符合香港辦公室既生態既。最錯既受靶最重,當然要開刀;但係係功高蓋主既情況下,做得叻你唔好以為你真係有得上位,隨時你就「被退休」。至於表現庸庸碌碌,懂得擦下鞋或者危難時懂得靈活走位既,雖然胸無實學,但隨時就水鬼升城,唔駛講咩十三分鐘行雙伐木廠。

做錯唔得,做岩就更加唔得。唔做,或者做只係企係度既垃圾桶,就最Q成功。所以雖然我地成日都俾人話唔了解國情,但係人地對我地港情真係好了解架。唔係點識得砌同審批出呢種班子俾你地歎~~呢個係回歸二十年最佳俾香港市民既禮物黎~~~