諾貝爾文學獎延遲一周公佈

士多貢 – 瑞典文學院成員確認,諾貝爾文學獎需要推遲一個禮拜,10月13日先可以公佈。 往年文學獎都會同其他獎一樣,係10月第一週陸續公佈。 文學院表示安排沒有異樣,只係因為慣常週四會議,今年9月22日先開始,需要四次會議,所以自然會壓後,強調只係「簡單數學」。 而係諾貝爾獎官方網頁顯示,文學獎公佈日前係「容後公佈」。 2016年文學獎頒俾美國歌手 Bob Dylan 惹黎一片譁然,歌手本人更係半年後先去領獎。而今年日本作家村上春樹(標題圖片示)更繼續係「年經」大熱。 CBC