【波叔信箱】中秋佳節.女朋友佢話約左人,點算?

 

 

波叔:

呢個星期四係中秋假期,唔洗返工,女朋友話要去同事個生日party。
唉,好唔開心啊!本來諗住同佢係屋企瘋狂啪啪啪架!
宜家要一條友戇鳩鳩啦!
唉,真係好唔想佢去佢同事啲無聊party!
屌!話左攞埋出年份雙糧就辭工,辭撚左就咩交情都無晒架啦,去埋晒啲爛鬼聯誼托柒咩?
對唔住啊波叔,有少少激動,但我真係好唔想佢去。

叫佢唔好去,就話我乜都管住晒,唔俾佢有自己生活。
唔出聲扮唔介意,佢又會feel到我唔開心。佢知我唔開心就會留係屋企陪我,但果日佢就會黑晒口面。
其實因為呢啲野嘈過好多次,今年中秋又要鬧交啦!!!
講又唔係,唔講又唔係。屌!

我真係好唔想大家因為呢樣野唔開心。
波叔我應該點做啊?

焦慮的Kelvin上

 


 

Kelvin仔,你好。

喂,老老實實,你係想啪啪啪定係搵個人陪無咁悶啊?

洩慾既話,其實你可以打飛機架,一次唔夠咪兩次,打到攰就訓覺,個假期好快就過架啦。想搵人陪既,你可以跟埋你女朋友一齊去架,或者搵friend玩囉。中秋節,再唔係咪返屋企陪下屋企人囉!你高堂尚在架?

其實你大個仔架啦,想點樣咪講清楚囉,唔出聲扮唔mind係無意思架,可能你女朋友黑面係因為你唔清唔楚姐,小小事都決定唔到,點樣俾到安全感人呢?

祝快高長大!

波叔