週日泰晤士報再爆: 文翠珊「罪犯欺君」Boris 都準備一年內選黨魁?

倫敦 – 「星期日泰晤士報」連續第二週爆料,最新一輯更加羅列皇室認為,文翠珊「罪犯欺君」,事頭婆私人秘書嘅查詢,唐寧街10號更係渺無音訊。 報導指出,自從文翠珊身邊政治人員都被逼走後,唐寧街幾乎都係公務員主導,而皇室同內閣府嘅溝通,一直由兩人嘅私人秘書緊密維持。但文翠珊嘅私人秘書如同出缺,因此白金漢宮好多時都無法得到訊息,例如首相成功組閣定係就快落台,白金漢宮嘅秘書,一直都唔知情。 而且文翠珊係組閣問題上被指「罪犯欺君」,佢未同北愛統一民主黨達成協議,就同英女皇表示佢有足夠多數。而事後係唐寧街門前演說,更被指用詞不恰當,唔係佢自組政府,而係要說,女皇邀請我組政府。 而事後要拖足17日先有協議,更加令皇室指文翠珊「罪犯欺君」。但文翠珊最大問題仲唔係得罪皇室,甚至其外相莊寶生都認為,文翠珊捱唔過一年,莊寶生都自己開始準備參選黨魁。 週日泰晤士報