【世界末日道德淪亡】網絡閱讀只餘下低質

 

 

有時,間唔中就會見到有D人話死喇我地俾人邊緣化喇,依家推普喇,我地就黎好似上面咁樣全部轉晒講強國話,今次廣東話玩完喇。但係其實佢地講完之後,係無任何follow-up,即係咩拎都無做。

就等於又有D人又話哎呀個網上好多垃圾文廣告文鱔稿喇投共媒體啦依家無晒D高質文喇個個都只係呃like 呃些喇。但其實佢亦都係唔單止完全一個字都無去嘗試痾過出黎,然後碌番下果堆人既FB,其實佢地咪又係成個page 都係巴士的、OI,甚至係大菠蘿?咁即係點?呢種態度算點?可唔可算係撚屌?

即係好似係山上睇山下開始山火咁。係火勢係好猛烈,但係(好似)未燒到上黎咁不如都係坐定定睇住佢燒,工作如常住先啦。話唔定會天突然下一場雨就會搞掂晒所有野呢。又或者,會有火影忍者衝鳩上黎,大叫一聲救火就係我既忍道,然後多重影分身一個水遁水龍爆彈就可以將火種完全熄滅呢。但現實當然唔係咁啦,屌。最後燒死左又同閻王訴苦喇,點解你唔搵聖若望及時救走我?我條命點解咁撚苦?

其實依家都唔係已經要求話大家都應該要身體力行呀,多D寫文甚至真係多D支持下用廣東話去試下寫下唔同文體諸如此類。呢D野有時真係求之未得。加上,廣大讀者群既野,往往都係振振有詞,可以當成係消費者就話妖真係無質素所以咪唔睇囉。但係有時作者無私奉獻左,提供左免費公眾娛樂,大家都可以照飛唔睇喇,但係求其擺低一個些一個like 駛幾多時間,都得掛,一兩秒?已經唔係話要錢喇?駛唔駛都咁孤寒呀?

小小鼓勵唶。依家又唔係叫你要係銅鑼灣時代廣場派傳單宣傳三百六十小時。唔好再講咩HEY你寫得好自然就會有人推架啦。其實呢樣野真係唔會發生架。愈高質果D多數都會好快俾FB排到落去下年先有機會俾人有一眼望到架渣。一大堆文字,又無J圖,又唔係講TVB,又唔係有神人加持,去邊度搵like 番黎?無人有responce 咪愈禁愈低囉。然後作者灰心咪又走一個囉,大家離newsfeed 完全垃圾又近一步囉。

我有時都幾殘忍。紫波一呻話我寫得咁認真都無人睇我就會話,依家個生態係咁。一係就完全唔寫,係都要過下手癮的話,就要承擔俾人地完全冷落既風險。但有時睇到呢啲post,我相信任何作者都覺得心酸既係:SET左某個條件先出文但又settle 唔到好喇依家半天吊,咁出唔出好。出又好似好柒,唔出又個心有條刺咁。。。

我覺得呢種遭遇(好多作者都經歷過),真係慘到嘔。係呀,你已經係免費架喇,但到最後仲要叫人黎,求下你幫襯呀咁。仲要係不為回報呀。乞LIKE渣,唔係叫你俾真心白銀呀。所以我成日同D人講,你認認真真搞咩鋪排,整咩伏筆喎。隨時搵個人寫一千字甜故就可以技術性咁KO你啦。呢個世界就係咁無謂。尤其是到處都充斥住D:

唉網上已經無晒好文章既日日埋怨撚。但佢又唔推唔like,自己又唔肯share。又唔做supply,又唔做demnd,真係好仆街囉。做cd-rom 唔係罪。等同做港豬都有佢既意義。但一邊做又要怨豬餿難食。真係任常人都覺得難以理解囉係。