如何在老蘭唔見底褲

 

 

「阿琪,你有一句話,我一直都好在意。」Cafe之內,阿賢開口。

「邊一句?」

「上次Carla姐出事,點解你話『好彩條底褲仲喺道』?」

阿琪苦笑。你有冇見過人去蒲,可以玩到唔見底褲?阿琪見過,阿琪真係見過。

「今晚Zentral有枱,我地去嗰道啦!」Carla姐好威風咁行出中環站D2出口,同阿琪講。

「好呀!」阿琪真心佩服Carla姐,每次去蒲,佢都可以搵定咩club有event、free drinks、朋友開枱,唔使阿琪操心。阿琪只要跟住佢,就保證嗰晚有酒飲。當然,仲有屎執。

「今晚Brian同佢班同事嚟玩呀,全部都係仔,你加油啦!」搭𨋢期間,Carla姐鼓勵阿琪。阿琪笑一笑,佢不求仔仔,只求Carla姐今晚唔好太癲。  入到Zentral,Carla姐好快就認到Brian嗰一枱,拉埋阿琪去say hi。坐低唔夠10分鐘,就同條仔打車輪。

「咦,呢個男人同Carla姐識㗎?」阿琪問Brian。

「Yaron?佢係我Senior,平時好忙㗎,冇乜落嚟玩,應該唔識㗎?」Brian話。

「咁呀,等佢地好好認識下啦!」阿琪同Brian奸笑。

Carla姐側身坐喺Yaron腿上,雙手箍住佢條頸,同佢瘋狂打車輪,打到咁上下,Carla姐直程轉身,兩腿展開,夾住佢條腰坐,大玩Close Encounters,瘋狂磨擦下身。同枱人見到,係咁叫囂,仲影撚埋相,佢地都冇理到,真係忘我。玩玩下,阿琪發現Carla姐同Yaron唔見咗,相信去咗學術交流,就決定早走。

阿琪行到7仔,Carla姐追上咗佢:「阿琪,我地一齊走呀。」

「咦?Carla姐,你做乜喺道嘅?Yaron呢?」阿琪問。

「我唔見咗條底褲呀。」Carla姐喺阿琪耳邊講。

「吓!?發生乜事啊?」阿琪嚇到大叫。

「屌你細聲啲啦,我而家下面涼浸浸咁,好唔舒服呀,你陪我搭的士返去呀……」

原來,頭先Carla姐同Yaron禁不住慾火,趁保安見唔到,去咗廁所Gathering。

「啪啪啪……」佢地好開心咁後入緊。

「啪啪啪!」啲保安都後入咗。

「Hey! Come out! Don’t stay inside!」保安係咁拍門,兩個人只好着返衫褲走。

「咦?我條under呢?」Carla姐搵極都搵唔到條底褲。

「唔好搵啦,快啲拉返條裙落嚟,出返去啦!」Yaron着返條褲,就拉Carla姐出去。

「所以,我咪冇着底褲囉……」阿琪聽到呢道,腳仔都軟埋,幾乎跌喺7仔出面,邊有人玩到底褲都唔見?

「哇!屌!唔好掟過嚟呀,好撚污糟呀!屌!」7仔附近,有一班MK仔大叫,攞住條底褲掟嚟掟去,吸引咗阿琪同Carla姐嘅目光。

「嘩屌你!好玩唔玩玩底褲?」

「哈哈,我喺Zentral部𨋢執到㗎!」

「Carla姐……」阿琪尷尬咁望住Carla姐,Carla姐冇出聲。睇嚟,條底褲真係佢嘅。但係,點解條底褲會喺廁所神秘消失,再出現喺𨋢入面?唔係有鬼呀?呢個時候,Carla姐嘅手提響起。

「喂,Yaron?」

「你知唔知呢,我最鍾意望住啲女人唔着底褲,好驚咁喺條街上面行㗎?」

「吓!咩話?你喺邊呀?」Carla姐好緊張咁周圍望,佢見到Yaron企喺遠方,好邪惡咁笑。屌!原來Yaron係S底嚟㗎!你唔明?等我同你案情重組下——

Carla姐同Yaron好開心咁後入緊。
保安拍門。
兩個人極速着返衫褲,期間Yaron收起Carla姐條底褲。
阿琪早走。
Carla姐以為自己唔見底褲,真空咁離開。
Yaron跟住佢,搭下一架𨋢,放低條底褲喺𨋢道。
再下一架𨋢嘅MK仔見到條底褲,攞出嚟玩。
Carla姐追上阿琪一齊走。
阿琪喺7仔嚇到行唔郁,Yaron都喺後面停低咗。
MK仔後來居上,行過三人,仲玩緊底褲。
Yaron打電話畀Carla姐,告知真相。
Carla姐恍然大悟,知道自己玩緊羞恥play,紅都面晒,收咗線之後,就急急腳拉住阿琪去搭的士了。

「唔……唔……哈哈哈!屌你好撚癲呀!」聽到呢道,阿賢喪笑。

「屌……咪撚笑啦,人地好慘㗎……」阿琪冇好氣咁講。

「屌,我諗到個揭尾故呀——有個女人喺Zentral廁所扑嘢,唔見咗條底褲,後來喺7仔門口見返,發生咗乜事!呀哈哈……」阿賢冇理到阿琪,繼續笑。

哈,阿琪只有苦笑。