TVB 新聞主播陳嘉倩離職——大家只係當佢地係娛樂圈既藝人一樣

 

有美女新聞主播離職,又一次成為新聞。

呢個已經幾乎成為呢個城市既一個慣例。之後大家就會開始當佢地係娛樂圈既藝人一樣,慢慢去探究究竟佢會唔會嫁入豪門,釣金龜婿,又或者突然入左中環搖身一變成為公關主任,郁一郁口就年薪過百萬之類。過往就已經有咩怡怡呀,珠珠呀。當然少不免又要講網民點樣鬼哭神號,而且又有咩繼任人選等等。

住係呢個城市既人既觀念係相當之有趣既係,當佢地聲稱自己要對抗電視霸權或者罷睇TBB既時候,但其實又唔包括佢地有追捧開既電視新聞主播。而好多新聞主播依家得到既名聲,往往都唔係因為佢地跑新聞出色,報新聞字正腔圓或者處理突發事件有驚人冷靜既表現甚至分析,反而都係標榜美貌,彷彿高於其他一切。雖然TBB係萬惡,我都唔想完全否定晒新聞從業員既專業精神,雖然本身就係事事旦旦。但係,世人往往重視既,仍然係樣呀身材咁。

呢個又再一次令我諗起有線新聞。之前曾經因為傳過會執笠,又曾經引起一堆人既惋惜同慨嘆之類。但係我相信做有線中國組既人,就知名度同人氣遠遠比唔上任何一個無線主播。究竟人係點樣係所謂既質素方面俾分既呢?不論係文字,以至係一個新聞報導,其實到最後都可能會反射出,人都係鍾意食快餐多D既。尤其係快餐愈可口怡人好賣相,我理撚得佢食得多會心臟病呢。

今晚墳總亦都係度問點解香港人好似作淫歌豔詞咁叻既?或者,並不單純係因為白粉報既南極圈。而係賺唔到錢既野,求其充塞下引為一樂咪得。唔好事事引經據典,又要平仄又盛。做人差不多就好了,何必太認真呢——事事旦旦先多人睇呀。依家。