加泰獨立事態之幾個可能調停人選

巴塞隆納 – 西班牙國王菲臘六世週二發表措辭強硬,論調與首相拉海以及人民黨內閣非常相似嘅電視演說。很多人期望菲臘六世會扮演比較溫和嘅角色,可以作為加泰和馬德里之間嘅調解人。 但最後菲臘六世都係盡立憲君主嘅本份,但發言明顯火上加油,更可能引起全國反君主共和趨勢。 另一邊廂,加泰政府已經宣佈日內會宣佈獨立,國王嘅調停角色已經被Rule out。 但根據過往其他國家獨立嘅經驗,加泰就算宣佈獨立,都要最終獲得西班牙承認,所以就算呢幾日加泰單方面宣佈獨立,難免都要同馬德里攤牌,差在係內戰,定係談判。 幾個可能嘅中間人,其中一個係老皇帝桑卡路士一世(標題圖片右一),雖然都有批評佢離地脫節,但爛船有三跟釘,要傾都仲可能有「餘威」。 另外兩個可能係兩個前首相,人民黨嘅亞茲納(標題圖片右三)同社會黨嘅薩帕特羅(標題圖片右四)。亞茲納試過調停過烏克蘭危機,以及美國同多個阿拉伯國家嘅關係。薩帕特羅更係近期委內瑞拉危機各方嘅中間人,而且係上次達成權力轉移協議嘅負責任,或者有啲牙力。但調停開第三世界,突然要調停自己國家,都咪話無諷刺。 但呢啲舊電池呢幾日之內能否發動,都幾成疑問。但以聯合國同歐盟嘅被動狀態,推倒人民黨政府,似乎係最簡單解決死結嘅方法。當然而家係連西班牙君主制都有危機。