阿妹何所欲?識煲糖水又識blow job?(係煲粥)

 

話說真係要搵番條片一睇,先知「阿妹何所欲」既出典係邊。廢老真係幾時都慢個地球自轉三四拍,而且亦令我又「想當年」起一件往事。

果陣參加咩大O細O果陣,就已經有組爸組媽經常日日叫人嗌口號,學dem cheers,同埋洗腦。組爸組媽往往都好似拍門傳福音既修士一樣,虔誠得黎又要好語重深長咁話:「唔做過呢D真係唔好話自己讀過大學。信我啦,你之後畢業十年到時日日返工營營役役,然後望番轉頭,就一定會回味番依家呢個時候既美好時光,亦都唔會後悔。。。」

個屁啊?首先我要利申,果陣就已經無玩咩意淫game,你話大開眼界又好咩都好總之就已經唔關我事,有咩美好時光啊?我依家日日OT都唔會想坐時光機番去玩多次果堆濕鳩遊戲囉?有咩好興奮先。我又唔係熱豆腐爸爸,後來又無做鬼父有咩咁美好可言啊?第二既就係,好彩我果陣仲未有咩手提電話放上YouTube 呢D咁網上欺凌野存在唶,如果唔係就真係不得了--

我要HD720P咁睇番自己同其他好似鬼上身既人一樣著埋同一件衫,然後係一大片空地之上,同另一組人係度指指點點9吹打油詩叫囂,講到話互片,其實就只係大家對比完分貝差就鼓掌再和平散去。更加唔好講果D再做會即刻羞恥投湖自盡既cheers 啦。成個IQ唔夠70岩岩做完智力測試出黎手FING FING既傻HI青年咁,你同我講。點會唔後悔呀?依家俾我搵人同火炮指住個頭都唔會再做啦下話?

當然會有人話咁先係青春呀嘛,咁先係燃燒,熱血呀嘛。係唶,但燃燒都有好多種方法,唔代表一定要以百分百ON9先黎可以肯定到自己既存在價值同意義呀嘩?唔通我話自己08年炒ACCU 破產,又話咁樣豐富左我人生經驗,可以以生命影響生命咩?依家我地呢輩做完無人翻查番都話好D。你話見到D少男少女俾人拍低晒係度白蓮教咁念念有詞上晒神打未散功果種,到時俾你生D仔女見到。你D仔女一大開屋企門望住你係度扮慈母織冷衫個樣,都但笑不語啦:

「HI原來自己阿爸阿媽都如此ON9過。平時仲好意思話我哼哼。。。以到唔好再話我柒頭添呀。遺傳有樣睇!」