這不是含撚,這是縫紉

 

 

外國,有一張小登科既情侶婚照,竟然突然之間係網上瘋傳。

其實構圖本來係幾例牌既。係樹影婆娑之下,一對男女身穿結婚禮服,而左手邊仲有美工字體,相信呢種格式大家一早耳熟能詳,但係咪住!!再細看之下,男既一身西裝煌然,卻竟然背對鏡頭,甚至已經褲已除;而至於女方白色婚紗,就似跪左係男士既前面。嘩,HI,唔係已經影到上天下海都已經無晒新意,而要玩到要影「含L」咁大膽呀嘩。。。

「遲D拍朝行晚拍係咪要野外打埋真軍呢咁然後係食緊鮑魚兩味果陣播呢???」當然,要spin 呃click 既,就梗係話男女要刻意整破格相,所以就要營造一個如此火辣辣既「含L」情景,據有D小報甚至已經寫到明話個構思係其中一方家長提議添架喎。但話雖如此,女方大半身其實已經俾男方偉大既身影遮左,所以根本上,係唔知新娘究係度做緊乜。一張硬照,咩L都睇唔到,又點樣證明一定係「含L」呢?而唔係含緊其他野呢(或者執緊跌左落地下既鏞記燒味呢?)?話唔定值得玩味既野係,更高層次呢。

例如,男士條褲爆左軑,所以賢良淑德既新娘即席跪低幫手補番條褲,稍懂針黹既都知,最後聯完針梗係要咬斷條線架啦,咁樣溫馨既一幕,變成一張婚紗相,其實都好溫馨呀,做乜一定要係搞野喎。而又或者係,拍拍下照,突然走出一條毒蛇巨龍,不幸咬中左新郎,生命在於夕旦之間,所以新娘一時情急,甚至唔怕自己都中埋毒,即刻親口吸毒,所以先有咁既情節。諗落更加係患難見真情,直教人生死相許,都不知幾浪漫呀~~話唔定攝影師捕捉呢一幕果陣感動到流出兩行清淚,呢輯相半價再八折!

最後,仲有眼利網友話個新郎其實孖煙通都未除架。無論如何,仁者見仁,淫者見淫,清妹自清既野,我真係識條鐵咩。