去一次Party Room 幾乎係我人生最on9 嘅經歷。

 

唔知咩時候開始一班朋友出黎,
除左食飯唱K之外,
仲多左樣娛樂叫去party room。

好啦一班中同聚會,
大家都好好好好咁樣話要去party room,
我唔想成為焦點亦都唔想掃佢地興,
抱住一試無妨嘅心態試下依d玩意啦。

未去都屌咗出聲。

Party room 通常都喺工廠大廈,
晒功夫搵得來又曬腳骨力,
行老遠搵到個工廠門口,
又要好似逃出密室咁搵個𨋢係邊。
好啦搵到個𨋢係邊上到去,
原來個架𨋢又somehow唔到到個單位,
係依一刻似乎嘆冷氣都變成一件好奢侈嘅事。

到左話想飲杯水姐,
屌原來200幾蚊係唔包酒水唔包嘢食,
如果你咩都冇帶去嗰度,
成日落嚟嘅真係有機會肚撚死嗰到。

打機呢?
普通on99既機緊係有得你打啦。
主打既VR game呢?

一定開唔撚到,
叫個職員入嚟整成半個鐘,
嘥時間不特止最後仲講多一句:

「唔好意思阿依隻暫時玩唔到阿
不如你地玩住第二啲先喇」

屌你啦,
我今日暫時冇錢比又得唔得呀?

Boardgame雖然有好多隻可以揀,
但又舊又殘又污糟又唔齊,
我地夾少少錢買盒新既玩唔好?
唱K就仲離譜,
舊歌一堆用埋d大陸software ,
我開youtube自己跟住唱仲舒服。

講真200蚊一個人,
夾錢買支唱K神器同新既牌多人少少機都買到部啦。
玩到日落仲可以keep埋枝咪同d games同部機阿。

Party room 我真係不了。

 

鐘意我既文章或者想睇更多
可以睇依到係我肥姨姨既Facebook
你既Like同cm係我既支持哦