你上到位?香港人一定係問你「有無同老闆訓?」

 

一場拳賽,又睇到好多野。

但其實,職場入面都有好多指指點點既柒頭架。

有啲人叫佢做又踢極唔郁,有責任卸得快過光速,然後口頭蟬梗係做唔到架,咪搞咁多野啦,你咁搞一定衰,做人唔好咁多想法啦。諸如此煩。

好喇,到有人做到啦,眼紅又快過交通燈,眨都唔駛眨,又唔抵得,又開始係度酸,背後講閒話又有,當中公開批評又有:係呀,件野係做到,但都唔知佢係咪真係乜乜乜,話唔定係有咩手段,走左咩捷徑,又或者講咩唔跟程序。之後就會論斷人地,贏都贏得唔光采,勝之不武。有本事下次唔好乜乜乜再做多次呀。但自己開既假設條件,必然苛刻到爆。

當然,你指佢出黎,叫佢做,佢一定又問話點解係我。咩我識做,都唔想做呀。呢樣果樣。因為佢知道自己嘴炮勁過金正恩。能量值有幾億萬,吹口氣可秒殺菲利。只要永遠係觀眾席,就係永遠既不敗。真係好多人都可以做到。職場如果有曹星如,搞到廿幾連勝,一定係部門神憎鬼厭,下一個問題就係問,佢有無同老闆訓。

於是咩都係呢群家庭觀眾最識,咩都佢最掂,全部都係荷蘭叻。但係真正成功既人既眼中,直頭唔知佢係老鼠。吱吱吱喳咁的確係討厭既。但討厭既人像害蟲,你永遠殺唔晒。強如曹星如,稍有不慎,都可以比呢啲人玩死。係咁。