露西亞獨立記者:露西亞又要話自己係露文唯一標準 但又要烏克蘭學校教嘅離奇雙重標準

烏克蘭最近開始廢除學校當中嘅露西亞文教育,惹來露西亞政壇激烈反應。但露西亞獨立記者 Oleg Kashin 係瑞士「蘇黎世新紀事報」評論寫道,烏克蘭只係學習露西亞心態,露西亞係無口鬧人之餘,係自作自受。 烏克蘭近日終於落實3年前嘅立法,廢除烏克蘭學校中嘅露文教育,一時間露西亞傳媒傾巢而出,大罵「睇下呢啲法西斯」、「係種族清洗」、「要幫烏克蘭人起義」、「起義唔成都要全力支持各地分離主義」。 但露西亞自己卻好雙重標準,烏克蘭其實都係學習露西亞嘅心態。露西亞人總係被要求語言一體化,用露文林嘢、寫嘢。烏克蘭掉返轉都係繼承呢套思維,不過換成露西亞文被「清洗」,默絲溝就有意見啦。 另一個露西亞雙重,就係表示露西亞幾年前自己壟斷露西亞文嘅標準,甚至對講露文嘅人都責任照顧,甚至以此創出「露西亞世界 Русский мир」嘅概念,以露文人口為由,干預前加盟共和國嘅事宜。 另一方面卻仲要同人講點先係標準露文。Kashin認為,情況十分荒謬,反問英國人有無「教育」美國點樣講英文? 但露西亞政府係唔真係關心?下次同烏克蘭談判,露文學校很可能只係一個籌碼,用黎換取新露西亞、或者小露西亞,即係東部烏克蘭分裂地方嘅獨立或者自治。 蘇黎世新紀事報