以前做大學生比人話係天之驕子,而家仲賤過地底泥。

 

「大學生喎,中學生都不如呀,成個小學生咁。」
「仲話自己係大學生,讀啲書都唔知讀左去邊。」
「做個大學生連呢小小野都唔識,到底你點樣考返嚟架?」

從前係香港可以做到一個大學生,
係一件非常難得的事情,
你係社會嘅棟樑家中嘅驕傲,
屋企能夠出一個大學生,
老豆老母幾乎要劏雞還神。

但唔知由幾時開始,
香港嘅大學生仲賤過地底泥,
大至喺超級市場偷嘢或者偷睇女同學沖涼,
小至喺地鐵坐咗你張凳或者係學校入邊dem cheers,
只要你係大學生就好似有罪咁
我想講嘅並唔係話呢啲事情係啱定係錯,
而係諗緊點解香港人對大學生身份嘅追擊從來冇1秒休息過。

 

 

社會期望真係好荒謬,
大學生一定要端端正正,
唔准嘻嘻哈哈唔講粗口唔講淫野,
食煙啊飲酒啊依啲絕對唔可以,
日日努力讀書每天學習新嘅,
所做每一件事都要有佢嘅意義,
諗下佢背後嘅原因睇下可以學到啲乜嘢,
第時要做社會嘅棟樑好好教育下代。

聽到呢啲謬論,
我好想唔該你班老嘢收皮啦,
唔好話俾我聽你後生未玩過啦。

俾我哋抖下好唔好啊,
我哋身份嘅背景你又有幾清楚?
讀書我哋用心讀左10幾年,
DSE嗰三年日日眠乾睡濕溫書溫到爆曬肝先考到入大學,
無論用咩方法入到大學我哋喺追求大學學位方面付出嘅努力自然比其他人多,
入到大學終於比較獨立自由,
可以自己分配時間,
想抽多啲時間來輕鬆下來嘻嘻哈哈下有咩唔岩?
實在唔需要你哋下下教我地點樣讀書點樣學習,
因為書我哋個個都讀夠啦先入到大學。

 

 

若果你唔能夠同我地一樣得到呢個位置,
唔該你唔好喺度指指點點,
因為我會諗你有咩資格講呢啲野呢?

邊個話大學生一定係好人?
邊個話大學生一定會孝順父母?
邊個話大學生唔會姦淫擄掠先?
喂唔包生仔架啵,
大學生都係一個人,
普通人總係會犯錯架啦

點解你唔去批評佢本身既人格人去批評嘅大學生嘅身份呢?
唔該你唔好次次「大學生大學生」咁屌我哋啦。

 

雖然肥姨既文章都算多人睇
但我個page無人理好慘架/___
你既支持係我既動力哦!