奧地利禁面罩 全身扮鯊魚都俾警察罰 市民擔心萬聖節再甩轆

維也納 – 奧地利10月1日開始實施禁止面罩法,但法律寫到在髮線以下,下巴以上都要俾人見到,否則可能俾人罰款高達150歐。 但各地執法參差,甚至上週五發生維也納有奇怪案例,就是一名幫電腦商場扮演鯊魚嘅人員,全包在街吸引顧客,但被警察要求除頭套。 但演員堅持自己開工中,最後被開罰,令人質疑執法標準嘅問題。 聯邦政府表示有關規則嘅貓紙,要今個禮拜一先可以達到各地警察手上,藝術或者傳統扮演角色係豁免範圍。 但黎緊萬聖節大家都會扮鬼扮馬上街,好多人都會擔心警察亂執法。 ORF