【施政報告】值得洗版嘅就係每月一百幾十交通津貼

 

 

香港反對派嘅定位,就係八九民運以來倚仗親中/建制派嘅不足,販賣恐共情緒,乃至後來回歸後販賣反中反政府反建制,故此,反對派嘅生存係需要建制派曝露弱點,然後反對派起勢咁喺輿論上撕咬,來爭取曝光及市民支持,帶來選票(及鈔票)。

 

今日林鄭宣讀施政報告,臉書上最廣為討論嘅係,用八達通乘搭香港各大交通工具,每月四百元以上的費用可獲25%回贈,即係搭$500就係(500-400)X25%=25 咁大把。

 

【懶懶計一計】剛剛施政報告公布推出交通津貼,每月車費超過$400嘅人就有份,立法會財委會通過撥款後一年內會落實。不過記住~~補貼係計算超出$400後嘅車費例如:車費$500,減去$400,補貼:$100×25% =$25*每個月1號…

Posted by 懶懶懶人包 on 2017年10月10日

 

呢單嘢值唔值得鬧/笑/譴責/批評?梗係值得,個CONTEXT 係香港交通規劃已經咁差,市民交通開支咁高,日日塞車塞地鐵,政府搞唔掂,唔係減車費,而係走去俾乞衣咁每月一百幾十,課一PACK FGO/PAD 都唔夠。

但如果再宏觀咁睇臉書上嘅輿論格局,網友KIAN 嘅觀察很準確:

 

「雖然有人認為派糖不足,但香港人普遍滿意林鄭第一份施政報告😄。」碌左一陣FB有感😄

Posted by Kian Lee on 2017年10月11日

 

呢個我諗就係現屆林鄭政府嘅戰術。

輿論上嘅滴水不漏,表面上不作為,亦同時係不讓對方有作為。

佢知道反對派一定要搵嘢去反對,只要無乜嘢好反對,咁反對派提出嘅反對就會非常咁小學雞。

 

例如鋪天蓋地咁講嗰一百幾十蚊。

 

講完有無用?有架,又係政府好衰,小恩小惠都無丫,俾乞衣都五百丫,而家俾幾十蚊我丫,咁囉。

影唔影響到管治?完全唔得。

影唔影響到建制得票?咪玩啦。

有無位令飯民支持者增加?會跟風反對嘅咪又係嗰班人。

 

和平真好。