如何寫一篇好文章?

 

 

做一樣野如果想做得好,一般人黎講都會盡量想考慮周詳。

可能要經過一番既思考,然後開始將自己既想法寫出黎,做成一個大綱,然後再三推敲同改動,然之後先開始動手,每一個步驗都盡量工細,盡量減少會出錯同埋令到完成品降低質素既機會。然後做完之後,又要再去檢討,番兜,作最後潤飾。做好多野都一定要經過一個咁既過程,寫文只係其中之一。

對於唔熟悉或者唔拿手既領域,要思慮既野更多,要擔心不足既野亦都係,於是準備既功夫就更加長。好多人可能係動筆果陣,大概都未知道自己係想寫D咩,只係寫到邊行到邊。又或者永遠都開唔到頭。又或者寫到一半,發覺效果並唔係當初所想咁。於是可能就會中道放棄,或者又要重頭做起。好可能到頭來都得唔到一樣自己覺得滿意既野。

如果單純快而言,當然要一切都以速度黎考慮。首先,你要有不錯既打字速度。第二,你要壓縮自己既思考時間。例如,可唔可以完全唔作任何準備就可以寫到文,直到完?又例如,可唔可以寫完已經唔駛點睇同改就可以即刻出街?當然,咩都唔做細部處理,出黎既質素當然會參差。可能會白字連篇,可能會詞不達意,可能會1999。但如果只係講快,就一定要盡量做到不加思索。情況同打機要追求效率一開始咁差唔多。

不加思索聽落好似好易,但係要係腦好似無思考下已經完成自己想做既野,其實需要既係長時間既訓練(好似係)。網上用呢個account 寫文,只係佔左我一生寫作時間好短既一個部份。大部份人寫字既數目,通常都唔係真係好多。好少有人會真係曾經經歷過一D日寫夜寫既歲月。呢D野真係無任何捷徑,完全好似會長直拳練上每日一萬次咁。或者咁講,我寫第一個字,有時已經知道最後一個字終點係邊(吹,繼續吹.jpg)。

由一百字既散文,以至上十萬字既小說。當然不可能話所有細節都可以一開始就了然於胸,但感覺係實在既,而且寫起黎係相當有自信既。如果乜都要諗同改,就當然會犧牲時間。情況好似做體操咁,一連串既動作都好複雜,點解運動員可以好流暢同無失誤咁完成?就係因為已經訓練左一千次一萬次等等。

但文黎講,快唔係一切。快都可以係垃圾。我會承認自己啤出黎既野,大部份都係垃圾。當然再講點樣寫起黎快,又要好睇,甚至要迎合到大眾之類。相信岩總更有資格答呢個問題。LOL