每一次分手,女人都會將ex 個file delete,而男人就會為每個ex 都開一個file,時不時click 入去回味

 

聽過一個比喻:每一次分手,女人都會將ex 個file delete,而男人就會為每個ex 都開一個file,時不時click 入去回味。

除左仇人、得罪過自己既人,另一種老死不相往來既就係EX。
好多時,我地其實並唔憎佢,只係冇乜必要都唔會再想見到呢個人。

因為你愛過對方。
曾經分享過既時光已經過去,然而記憶中始終有對方既存在。
導致分手大部份既原因都緣於衝突,人與人之間既衝突通常基於三點:價值觀、你既期望同對方做法唔一致、表達方式傷害了對方。

情侶之間最常見於第二點,係親情、友情、愛情入面,因為我地唯一可以正面要求既只有愛情。

我明白每個人心目中都一定有個難以忘懷既人,亦唔反對偶爾享受回憶中的美好。不過,無啦啦搵返個冇聯絡咁耐既EX食飯,真係好嗎?

好想回「約你老母,唔撚得閒呀,仆街。」,然後諗起佢最唔鍾意我講粗口,所以只是很溫文地已讀不回。

其實同佢分開左都真係好耐。
差唔多都五年喇。。。

中間亦冇再去留意佢既事,我地既共同朋友圈子亦冇人再同我講佢發生過咩事,只有一點肯定:佢唔係做左保險/康寶萊,因為佢係做化驗的,工作穩定。
以我果時認識既佢,亦唔會係啲搵人著數既人,但我知道人會變、月會圓既道理,而家個世界變化既速度唔再係我地可以預測到,環境亦可以將一個人改頭換面,更何況已經冇係對方身邊喇。。。
我連佢仲鍾唔鍾意睇Marvel都唔清楚。

有諗過唔通係派帖?
然後睇返佢Facebook,先知佢啱啱同人分手。。。

我諗,佢大概希望要一個好既聆聽者。
line入面,他說最懷念我從不責備人的溫柔和體貼。。。

有時我唔明我係咪做錯左某D野、俾左個錯誤MSG人,令到好多追我唔到既男人、EX都好鍾意搵返我傾心事,人生有煩惱都會徵求我陪伴同俾意見,當然都係基於和平拒絕或者和平分手。

大概做左一兩次好女人會做既事,體會到做水泡既不快經驗,以後所有EX以任何方式聯絡我,我都會當睇唔到:]

呢種明知自己只係水泡既感覺好難受,我仲未成熟到可以關心一個最熟識既陌生人。

其實每次分手,我都會清哂EX既野,所以任何新適任者上黎探貓都唔會感覺到任何EX既痕跡。
一黎我覺得以後既人生都唔會再有交集;
二黎回乜撚野憶呀?都過左去。

我唔會否認對方曾經存在於自己既生命,但對人生冇益處既野,我真係會丟得就丟,因為根本冇意思。

既然已經分開,都習慣左冇左對方既日子,段關係根本已完、唔會有將來,又何必去為已完結既事去加幾筆?

人非草木,你做既每一件事都會影響到對方既情緒。
即使冇感覺,都係一種打擾。

再者,舊既唔去,新既點黎?

其實知你過得唔好,我就安心喇~