愛沙尼亞警告英球迷 小心露西亞世界盃「色情陷阱」

墨絲溝 – 世界杯即將係露西亞舉行,但愛沙尼亞嘅情報主管馬米倫 Mikk Marran 表示,球迷、球員應當小心接觸任何人,因為係露西亞情報機構發展網絡嘅大好機會。 馬米倫建議球迷要隨身攜帶自己電話、手提電腦等電子設備,或者乾脆唔帶入露西亞,以免該國嘅情報部門有機可乘。 而且球迷要小心,雖然佢地未必係直接嘅目標,但露西亞臥底有機會通過佢地,獲得更重要人士嘅訊息,或者發展長遠嘅間諜網路。馬生表示,唔代表要唔好去露西亞,露西亞係個偉大國家,但萬事要小心,特別有人開始俾著數,開展離奇嘅友誼嘅時候。 而被問及會唔會露西亞會唔會通過性黎吸引球迷,製造「溫柔鄉」攻勢,馬米倫反問露西亞點解唔會咁做,但佢表示球迷無須恐慌,萬事小心就得啦。 時報

The post 愛沙尼亞警告英球迷 小心露西亞世界盃「色情陷阱」 appeared first on 寰雨膠事錄 Gaus.ee.