荷蘭外相訛稱親耳聽到布丁侵略野心 被迫辭職

伯林 – 荷蘭外相蕭士來 Halbe Zijlstra 週三辭職,因為佢涉嫌講大話,老作自己同露西亞總統曾經會面,親口聽到對方要侵略烏克蘭等野心。 事實上,蕭士來週一對荷蘭「人民日報」坦承,並無所謂會議,而且無親身聽過布丁咁樣講。 佢為咗保護消息來源,先咁樣講。而佢係聽說英荷蜆殼公司總裁范德沸 Jeroen van de Veer,才開始呢個說法。 而多個反對黨已經對佢表達不信任,週二開始就佢誠信問題辯論前宣布辭職。 蕭士來被視為執政黨自由民主人民黨下任黨魁熱門人選,被認為有機會繼承首相呂馬嘅位置,但明顯呢次醜聞令佢仕途告終。 NOS

The post 荷蘭外相訛稱親耳聽到布丁侵略野心 被迫辭職 appeared first on 寰雨膠事錄 Gaus.ee.