死待2:人不可以做孤獨精

只要死待出現一定係爽片無誤,連串動作流暢潚灑你預咗,係就係暴力咗啲,但比起異型係咁爆到個身七零八落,反而殺人見血我係接受到,比起第一集有啲場面都要睇到掩眼,今次我又OK喎。

死待2:人不可能做孤獨精

死待2故事其實好簡單,為愛情、親情、友情加組隊打 Quest,絕對無復仇者要數住邊個角色有戲邊個角色有講過笑話咁複雜,甚至其中一個角色有 Thanos 其中一粒石嘅能力(演員本身都係演 Thanos 果位)並影響全局,講衰啲你會覺得「又係果啲橋」,但實際係完全唔悶真係無問題,而且我真係覺得今次啲新 friend 子所帶出黎嘅感覺,令套戲無第一集咁冷,起碼佢上次只係為女友而戰,今次就心善好多,識得為人著想,更會多謝 friend 子,使角色更有人性而唔係一味只識打打打,令我更鍾意佢,

死待2:人不可能做孤獨精

劇中穿插好多其他戲橋同外國人玩開嘅笑話,識嘅話會笑死,但唔識嘅話亦無損觀影嘅開心。唔經唔覺好快就過咗兩個鐘,而為咗更深入睇果啲 detail 位(例如一開波果一堆動作其實有好多細微嘢加咗入去裡面),呢套絕對需要二刷。

死待2:人不可能做孤獨精

今次睇嘅係中環英皇戲院VIP 院嘅優先包場(利申:戲票費用自付),因為好友嘅悉心安排,唔止有各種紀念品,包括夏威夷 Shirt、Chopping Board (用佢黎切生果非常好用,今日經已試咗)、日版海報、杯緣子,最正係 Deadpool 本人出現謝票,真係開心到震!所以有朋友係幾咁重要,衷心多謝佢嘅關照呢。

死待2:人不可能做孤獨精

死待2:人不可能做孤獨精

死待2:人不可能做孤獨精

死待2:人不可能做孤獨精

死待2:人不可能做孤獨精

死待2:人不可能做孤獨精

死待2:人不可能做孤獨精

死待2:人不可能做孤獨精

死待2:人不可能做孤獨精

The post 死待2:人不可以做孤獨精 appeared first on Daisy’s Digital Anthology.