智庫報告表示 英國境內露西亞特工人數 係蘇聯冷戰時代嘅5倍

倫敦 – 最新智庫報告指出,英國境內可能有多達200名露西亞特工,500名線人,隨時為露西亞政權服務。 軍情五處雖然無公布實際數字,但表示數目同冷戰期間相若。但呢份報告用自己估算嘅數字,同露西亞嘅雙面間諜 Oleg Gordievsky 高諜基透露嘅數字比較,今日嘅數字係冷戰時候嘅五倍。 文翠珊政府雖然早前驅逐咗23名外交官,但仲有一半外交官留係倫敦,相信大部分都係情報人員。 但有更多人係貿易署,露西亞文化中心等地工作,大家一直相信呢啲都係間諜機構。有露西亞異見人士甚至反對布丁嘅英國公民都表示懷疑受過露西亞特工監視出入。 報告指出,英國應該考慮仿效愛沙尼亞嘅做法,定期公布露西亞相關人員嘅資訊,令公眾都可以有機會知情,協助曝光有關人員。 時報 舉報錯字:Fb 訊息 – 留言板

The post 智庫報告表示 英國境內露西亞特工人數 係蘇聯冷戰時代嘅5倍 appeared first on 寰雨膠事錄 Gaus.ee.