圖書館、博物館億億聲 張立群促譚司「做嘢貼地啲」!

【施政辯論】現時社會文化司下有多個「天價」項目正在進行當中,諸如新中央圖書館(估算造價9億元)、大賽車主題博物館(8.3億元)、山頂傳染病大樓(6.3億元)、離島醫院(造價無底洞),每個項目的預算都是「億億聲」。在社會文化領域施政辯論上,間選議員張立群對此都「睇唔過眼」,發言時希望司長譚俊榮「做嘢貼哋啲」!指雖然社文司提出了許多個項目,但「我哋做乜嘢都係講成本嘅,而你就無講到成本,你初頭話要3億、4億、8億,如果係打工仔就一定做唔到,肯定會畀人炒魷,邊度有咁多錢畀你呢?」 張立群認為,政府應該要實事求是,如興建一個圖書館時,每個細項需要多少錢都要詳列出來,給予社會透明度,「點解要使咁多億?呢個係好莫名其妙,你講條數出嚟,工程師都計唔到點解要咁多錢。你詳列啲細項,等大家都可以清楚了解個項目,咁澳門人就會好多謝你。」司長譚俊榮強調,一直鞭策屬下同事必須善用公帑,如果不好好善用公帑,就會對不起澳門市民。