中共故意強推送中,自由世界門票現正發售

中國意圖稱霸亞洲呢個願景,中共講咗半個世紀,基礎之深,視野之闊,非香港人所能企及。然而,正因為中國倒行逆施,挑戰自由世界,香港人只要企啱陣營,就有逃生可能。自西方與東方碰撞至今,自由平等思想一直東傳,全人類要共同實現同鞏固嘅普世價值,已經日益普及,蘇聯倒台,象徵嘅就係極權必敗,自由必勝。中國以黨國體制治國,拒絕普世價值,拒絕選民監督,步上蘇聯後塵,係遲早嘅事,佢垂死掙扎,不惜玉石俱焚,其實就係舊秩序嘅終極反撲。如果爭取中國民主係香港人應該做嘅事,我地就更要堅決反共——中共一崩,中國各省就會回復自由,屆時亞洲民主遍地開花,中國人至會有轉型出路。