殖民制度勢不可久,融合或自治只在一念之差

中港政治制度必須更有效咁融合。早前有提議容許香港人加入解放軍、投考內地公務員等,都係方向正確嘅建議。但更加重要嘅係,香港人必須可以公開加入共產黨,參與黨嘅一切事務。美國三歲細路都會話日後想做總統——雖然美國幾億人口只有一個總統,隨便一個細路日後做到總統機會甚微,但呢種思維仍係建立國民認同嘅一部份。如果香港三歲細路都會覺得自己可以加入共產黨、為國家服務、為香港服務,甚至做國家領導人,咁國民意識就自然形成,愛國情懷自然根深蒂固,唔會有現下「香港」同「內地」之間嘅政治張力。