寶曠力,補抗力!

TVB係一個香港媒體,咁高調出聲明,搞到去日本寶曠力總公司到,咁大個品牌唔會當無事發生嘅。睇返寶曠力份聲明,內文只係重申佢嘅品牌理念同埋道咗句歉,我覺得潛台辭係咁:「拿,你TVB玩到咁串,我唔會由得你嘅,我地個品牌係形象健康嘅,你唔係呢個路線呢,我地就無緣合作喇,如果我嘅決定搞到你或你啲支持者就真係唔好意思喇! 」。再者,由日本人話事嘅大品牌好少會咁彈弓手,日本人係好講信用,話一就一,話二就二,好似之前講有啲香港人訂咗日本酒店最後無出現,啲日本人嬲到爆就知佢地嘅脾性。